Presidenti zyrtarisht nuk ka asnje dokument te shkruar per t’u paraqitur paleve. Por gjate vizites se tij tre ditore ne Kroaci per inaugurimin e presidentit te ri kroat, keshilltari juridik Spiro Peci reflektonte ne Tirane mbi nje projekt-ide.
Burime per Top Channel konfirmojne se zoti Peci ka preferuar qe per dy dite te mos punoje ne presidence. Ai dhe keshilltari diplomatik Arben Cici, qe asistojne presidentin per tryezen, jane takuar te shtunen paradite. Nje takim mes tyre dhe kreut te shtetit eshte fiksuar per te henen ne oren 8.30 te mengjesit.
Detajet e projekt-idese qe do t’i paraqiten fillimisht delegacionit te Keshillit te Europes, mund te sherbejne me pas si nje dokument i shkruar.
Nderkaq, te tjera burime mohojne qe keshilltari Spiro Peci te kete pasur gjate kesaj jave takime direkte me juriste te Partise Socialiste. Kontakte ka pasur, thone burimet, por ato jane ndalur qe javen e shkuar.
Ne Partine Socialiste nuk ka nje vendim zyrtar per futjen ose jo ne parlament qe ne seancen e kesaj jave, por kryesia e partise eshte ne pritje te rezultatit te negociatave, kesaj here me ndermjetesine edhe te delegacionit te Keshillit te Europes.
Delegacioni perbehet nga kreret e 5 grupeve politike bashke me dy raportuesit per Shqiperine dhe kryesohet nga kryetari i Asamblese Parlamentare te Keshillit te Europes Mevlyt Çavushollu.
Te pranishem ne Tirane qe prej te dieles ne darke, misioni i tyre ndermjetesues do te zgjatet deri te marten ne mesdite. Sipas programit te henen ne oren 9.15 delegacioni do te takohet me presidentin ne zyren e tij. Me pas, ne oren 10.30 do te takohet me kryetaren e Kuvendit ne zyren e saj, ne oren 11.45 me kryeministrin. Pas drekes, ne oren 15.15 do te priten nga kryetari i Partise Socialiste Edi Rama, me shume gjase ne zyren e tij ne Bashkine e Tiranes dhe ne oren 17 nje takim permbylles ne presidence, qe mendohet te zgjase te pakten nje ore.
Te nesermen ne oren 10, rezultatet e vizites do te behen publike ne nje konference per shtyp ne Hotel Rogner.
Top Channel
