Sali Berisha dhe Edi Rama jane njesoj te mendimit se hetimi parlamentar duhet te respektoje frymen e Kushtetutes dhe vendimet e Gjykates Kushtetuese per komisionet hetimore parlamentare.
Ajo çka i ndan qe te dy ka te beje me interpretimin qe i bejne vendimit te kushtetueses. Kryeministri dhe lideri i opozites ndajne vleresime te ndryshme per vendimin nr.18, date 14.05.2003 te Kushtetueses.
Sipas te parit, kjo eshte baza ligjore qe nuk lejon hapjen e kutive te votimit, ndersa i dyti insiston se diçka e tille nuk pengohet.
Ne majin e vitit 2003 nje grup prej 32 deputetesh te Kuvendit te Republikes se Shqiperise kerkuan interpretimin perfundimtar te nenit 77 pika 2 te Kushtetutes te Republikes se Shqiperise.
Ne arsyetimin e Kushtetueses thuhet se sipas nenit 77 pika 1 te Kushtetutes te Republikes se Shqiperise, Kuvendi zgjedh nga gjiri i tij komisione te perhershme, si dhe cakton komisione te posaçme.
Ai gjithashtu ka te drejte dhe, me kerkese te nje te katertes se deputeteve, eshte i detyruar te caktoje komision hetimi per te shqyrtuar nje çeshtje te veçante.
E drejta e Parlamentit per te ngritur komisione hetimore eshte nje prerogative dhe nje mjet i domosdoshem qe i nevojitet per te ushtruar dhe perfeksionuar pushtetin e tij legjislativ.
Qellimi i ngritjes se komisioneve hetimore eshte per te njohur dhe verifikuar ne thellesi nje fenomen, nje ngjarje, nje veprimtari, me synimin qe ne perputhje me realitetin, te nxirren perfundime mbi nevojen e miratimit, plotesimit, apo korrigjimit te ligjeve te veçanta.
E drejta per te kerkuar ngritjen e nje komisioni hetimor eshte parashikuar ne Kushtetute si e drejte e nje te katertes se anetareve te Kuvendit.
Ngritja e komisionit me vote te nje minorance, apo siç pranohet ne doktrinen kushtetuese, nepermjet zbatimit te parimit te hetimit me votim pakice, deshmon ne kete drejtim nje avancim demokratik te Kushtetutes sone.
Ekzistenca e ketij parimi, qe perben nje veçanti te Kushtetutes, e forcon ne menyre te konsiderueshme rolin e komisionit hetimor si nje instrument efikas kontrolli.
Top Channel
