Sejdiu: Ne dy vjet kaluam shume sfida

Ne nje interviste per BBC-se, kreu kosovar deklaron se jane kapercyer shume sfida dhe Kosova ka realizuar optimumin e projekteve qe ka pasur, qe te deshmoje vetveten si nje vend i qendrueshem, si nje vend qe eshte ne kerkim te vazhdueshem te ndertimit dhe te funksionimit te demokracise, si nje vend qe ben perpjekje qe te kete nje qeverisje te mire per qytetaret e vet.

Sejdiu thekson se pritjet per njohjen nderkombetare te Kosoves, kane qene me te medha, por se kjo gje ka qene e pamundur, edhe per shkak te procesit ne Gjykaten Nderkombetare te Drejtesise edhe per shkak te luftes diplomatike te Serbise kunder njohjes se Kosoves.

“Pritjet tona per njohjen e Kosoves, kane qene me te medha, por kemi pasur edhe shume pengesa. Serbia me aleatet e saj ka bere nje presion te vazhdueshem te shume vende per te ndalur ecjen e tyre ne drejtim te njohjes se pavaresise se Kosoves. Me vendosjen e Kosoves ne Gjykaten Nderkombetare, ka pasur edhe disa vende qe kane thene se kane dashur te presin vendimin e gjykates”, deklaroi Sejdiu.

Kreu kosovar thekson se zbatimi i kushtetutes ne te gjithe territorin e vendit, integriteti territorial e integrimi i serbeve ne institucione jane ceshtje te cilat kane nevoje per diskutime te metejshme.

“Une e them se Kosova ka qasjen e vet per t’i integruar serbet, por jo per te vene kontroll mbi ndjenjen e tyre shpirterore, apo per t’i bere qytetare te rendit te dyte. Perkundrazi, Kosova eshte shume e interesuar qe keta njerez, te trajtohen ne menyre te barabarte, dhe t’u ofrohet shansi per te qene kontribues per proceset qe na presin”, shprehet Sejdiu.

Top Channel