“Mungesa e ligjshmerise ne veri te shtetit te Kosoves i ka kushtuar humbje te medha, si ne aspektin politik dhe ate financiar”, deklaroi Kryeministri Hashim Thaçi ne Vjene, para Grupit Drejtues Nderkombetar. Ai theksoi angazhimin e qeverise qe drejton per zbatimin e planit per integrimin e Veriut, pavaresisht ekzistimit te qasjeve te ndryshme ndaj planit ne fjale.
“Do te jemi te kujdesshem dhe te durueshem, por perfundimisht te vendosur per rendin dhe ligjin ne Veri te Kosoves – ashtu siç e parasheh Kushtetuta e Republikes se Kosoves, Plani Gjitheperfshires per Statusin e Kosoves dhe Rezoluta 1244 e KS te OKB-se”, u shpreh Thaçi. Kryeministri i Kosoves ka folur per perparimin e shenuar ne Kosove, por dhe problemet ne takimin e Grupit Nderkombetar per Kosoven ne Vjene.
Grupi Drejtues Nderkombetar konfirmoi mbeshtetjen per Kosoven per perspektiven e saj europiane, ka thene zedhenesi i qeverise, Memli Krasniqi per radion “Europa e Lire”, pas takimit te perfaqesuesve te ketij Grupi Mbikeqyres, qe u mbajt dje ne Vjene.
Nderkohe, analistet ne Prishtine kane thene se momenti me i rendesishem i takimit eshte mbeshtetja per strategjine per integrimin e Veriut. Kosova ka marre mbeshtetjen Grupit Drejtues Nderkombetar per realizimin e objektivave te procesit integrues te saj ne BE, thane zyrtare te qeverise se Kosoves.
Pas takimit te mbajtur ne Vjene, te Grupit Drejtues Nderkombetar, i cili ka rolin e mbikeqyresit te shtetit me te ri, zedhenesi i qeverise, Memli Krasniqi, tha permes nje bisede telefonike nga Vjena, se vendet anetare u kane dhene mbeshtetje angazhimeve te Kosoves per zbatimin e prioriteteve qe kane te bejne me perspektiven europiane te Kosoves dhe me liberalizimin e vizave.
Top Channel
