Kosova, 400 mln euro kredi

30/01/2010 15:25

Ne nje interviste per agjencine Reuters, Ministri i Ekonomise dhe Financave te Kosoves, Ahmet Shala, deklaron se vendi i tij do kerkoje kredi nderkombetare per autostraden Vermice-Merdare.

Sipas ministrit Shala, Kosova do kerkoje te siguroje permes kredise gjysmen e 800 milion eurove sa besohet se do kushtoje ndertimi i kesaj autostrade. Gjysma tjeter do sigurohet nga buxheti i shtetit te Kosoves.

Me pas, Autostrada 103 kilometershe sipas te gjitha gjasave do jete me pagese per automjetet qe kalojne mbi te. Kjo rruge e re e lidh Kosoven me Shqiperine duke i ofruar mundesi shume me te mire Kosoves per casje ne portin kryesor te Adriatikut, pikerisht ate te Durresit.

Banka Qendrore e Kosoves nuk e sheh si problem marrjen e nje kredie, megjithe borxhin qe ka Kosova qe nga koha e ish-Jugosllavise.

“Qeveria do te jete e kujdesshme qe ngarkesat me borxhin e Kosoves te mos kalojne limititet”, thote guvernatori i Bankes Qendrore, Hashim Rexhepi.

Kete deklarate Guvernatori Rexhepi e beri pas prezantimit te te dhenave te ekonomise kosovare per vitin 2009 per te cilin thuhet se ka pasur rritje prej 4 %. Jane pikerisht investimet shteterore ato qe kane arritur kete shifer, pasi qe te dhenat nga sektori privat perkundrazi jane jo pak negative. Gjate 2009, Kosova ka pasur renie te eksporteve, renie te investimeve te huaja dhe renie te dergesave te emigranteve. Keto te fundit sipas Bankes Boterore jane nje nga burimet kryesore te te ardhurave te Kosovareve.

Per vitin 2010, Banka Qendrore numeroi jo pak sfida qe mbesin per te dhe ne pergjithesi per shtetin e Kosoves. Sidoqofte, Banka Qendrore vlereson se Kosova ka mundesi qe edhe gjate ketij viti te kete rrijte ekonomike se paku 4 %.

Top Channel