
Pavaresisht zhvillimeve pozitive dhe stabilitetit ne treg, kompanite e sigurime kane ndier efektet negative qe shfaqi kriza ekonomike ne bote.
Prej nje viti jane shfaqur shenjat e tkurrjes ekonomike, duke ndikuar ne aktivitetin e firmave private, perfshi edhe siguruesit. Raporti i Autoritetit te Mbikeqyrjes Financiare per vitin 2009, paraqet nje treg sigurimi me vellim prej rreth 70 milione dollare.
Megjithate, drejtuesit e AMF-se pranojne se kriza e ka tkurrur aktivitetin. Sipas kryetares, Elizabeta Gjoni, tre vjet me pare verehej nje rritje e tregut ne masen 30 per qind, ndersa ne 2009-n u regjistrua nje zhvillim prej 11 per qind.
Aktualisht, qeveria ka marre masa ligjore per ta stimuluar tregun e sigurimeve, duke ofruar nisma te ndryshme, ndersa vijon ende debati rreth liberalizimit te tarifave. Nje jave me pare, shoqata e siguruesve zhvilloi nje takim me kreun e tatimeve, duke ngritur nje sere shqetesimesh me taksat.
Sipas Autoritetit te Mbikeqyrjes Financiare, te ardhurat nga primet e sigurimit arriten rreth 7.8 miliarde leke, ose 11.28 per qind me shume se ne vitin 2008. Numri i kontratave te sigurimit te lidhura arriti ne 755.669 duke shenuar nje rritje prej rreth 9.83 per qind, krahasuar me nje vit me pare.
Nderkohe, tregu vazhdon te orientohet te sigurimet e jo-jetes, qe sollen rreth 90.83 per qind te vellimit te pergjithshem te primeve, duke i lene sigurimet e jetes me rreth 9.17 per qind. Duke i ndare, shikojme se primet e sigurimit vullnetar zene 47.31 per qind dhe primet e sigurimit te detyrueshem zene 52.69 per qind te totalit te tregut. Rritja e volumit te primeve te shkruara bruto ne sigurimin vullnetar e ka ruajtur tendencen pozitive qe e ka karakterizuar pergjate gjithe vitit 2009.
AMF thekson se ne harkun kohor te pak viteve, tregu i sigurimeve gjendet me nje strukture te permiresuar ne favor te sigurimeve vullnetare. Ne vitin 2009 sollen 47.31 per qind te primeve te sigurimit. Primet ne sigurimet e detyrueshme motorike arriten shifren 4.156 milione leke, ose rreth 4.36 per qind me shume se ne vitin 2008.
Top Channel