Qeveria i ben balle krizes ekonomike duke rritur pagat dhe pensionet, deri me 14 per qind.
Pavaresisht krizes ekonomike, e cila ka ndikuar te te ardhurat, shpenzimet dhe tkurrjen e tregtise me jashte, qeveria ka vendosur ne planin e kuadrit makroekonomik 2010-2013 qe te rrise fondin per politikat sociale.
Konfirmimi vjen nga Ministria e Financave, e cila sapo certifikoi planin trevjeçar te taksave dhe shpenzimeve.
Konkretisht, ne kuadrin e ri makroekonomik dhe fiskal, miratuar me 6 janar nga Keshilli i Ministrave, thuhet se do te vijoje rritja e qendrueshme e nivelit te pergjithshem te pagave, mesatarisht ne masen 4 deri ne 14 per qind.
Sa u takon pensioneve, u miratua plani per rritjen e mases per kategori te caktuara, nga 7 deri ne 10 per qind. “Kjo behet me qellim ngushtimin e hendekut mes pensioneve te fshatit dhe qytetit”, thekson Ministria e Financave.
Per vitin 2010, qeveria ka vendosur ne dispozicion te pensionisteve rreth 30 milione dollare. Fondi do te perdoret per rritjen e pensioneve sipas kategorive te caktuara ne mesin e ketij viti, duke filluar nga muaji korrik 2010. Plan per rritje fondi ka edhe per administraten shteterore, e cila ne numer ka zbritur nen 90 mije, kurse pensioniste jane gati 550 mije.
Miratimi i kuadrit makroekonomik dhe fiskal behet çdo fillimviti nga qeveria, ne menyre qe te kihen parasysh skenaret e monitorimit dhe zbatimit te buxhetit te shtetit.
Edhe pse rritja e pagave dhe pensioneve nuk rekomandohet nga nderkombetaret, sidomos kur verehen shenja krize, qeveria shqiptare ka vepruar ne te kunderten.
Mjafton te kujtojme rritjen e madhe te pagave dhe pensioneve ne maj te 2009-es, dy muaj para zgjedhjeve parlamentare. Kjo politike, qeverise shqiptare i kushtoi rreth 70 milione dollare, dhe vendi po perballej me renie te te ardhurave.
Top Channel
