Kryetari i PBDNJ-se, Vangjel Dule, deklaroi nga Athina ku ndodhet per disa takime me klasen politike greke, se partia e tij nuk nderhyn ne qendrimin per hyrjen e opozites ne Parlament.
Por ai tha se PBDNJ vlereson se Partia Socialiste do te duhet te veproje duke vleresuar ajo vete, lidhur me hyrjen ose jo ne Parlament, me qellim koordinimin e situates mbas gjendjes se krijuar ne veri te vendit.
“PS eshte nje force politike pushteti, ajo vlereson se kur dhe si do te marre vendimet e veta. Rendesi ka qe pavaresisht fragmentarizimit politik, ne keto momente emergjence eshte demonstruar nje solidaritet dhe konsensus politik qe e nderon situaten politike te vendit”, ka deklaruar Dule.
Zoti Dule duket se i bashkohet keshtu zerave te disa analisteve, te cilet ditet e fundit kane lene te kuptohet se socialistet tashme duhet te hyjne ne Parlament, pas kesaj gjendjeje qe eshte krijuar ne veriperednim te vendit.
Kryetari i PBDNJ ishte ne Athine se bashku me kryetarin e bashkise se Himares, Vasil Bollano ku zhvilluan nje seri takimesh me perfaqesues te qeverise dhe te opozites.
Ceshtjet qe preokupojne minoritetin grek, marredheniet dypaleshe, integrimi europian si dhe gjendja e krijuar nga permbytjet ne zonen e Shkodres ishin ne qender te bisedave qe ata paten me ministrin plotesues te Puneve te Jashtme, Dhimitri Dhruca dhe me kryetarin e Demokracise se Re te opozites, Antoni Samaras.
Nderkaq, Vasil Bollano deklaroi per TCH se 5% e fondit te pagave te bashkise se Himares do te shkoje per familjet e permbytura dhe se te gjithe punonjesit pranuan unanimisht te japin nje rroge mujore ne ndihme te banoreve te prekur nga katastrofa.
“Solidarizohemi per fatkeqesine natyrore qe ka ndodhur atje. Bashkia e Himares mbeshtet nismen e qeverise me nje fond qe do te kaloje si ndihme per zonat e veriut”, ka deklaruar ai.
Top Channel
