Edhe Berdica e mbuluar nga uji

Pjesa me e madhe e shtepive jane permbytur plotesisht duke i detyruar banoret te streohen tek njeri-tjetri. Me te prekurit jane banoret qe i kane shtepite prane rruges apo ne fushen aty prane. Banoret tregojne se nuk kane patur mundesi te mbrohen nga shperthimi i menjehershem i ujit qe i ka kapur te papergatitur.

Disa nuk kane mundur te shpetojne as bagetite dhe as kafshet shtepiake. Ne te gjithe fshatin demet jane te pallogaritshme. E ne kete situate banoret druhen se shteti do te demshperbleje plotesisht. “E kemi perballuar vete me forcat tona dhe nuk eshte dukur askush. Ku vleresohet demi ketu. Te gjitha pajisjet e shtepise i ka marre uji”, thote nje banor. Rruget e fshatit pershkrohen nga nje rryme e forte uji qe e ben te veshtire dhe ecjen ne kembe.

I vetmi shpetim per banoret eshte perhapja qe uji ka pesuar ore pa ore, i cili eshte terhequr disi nga shtepite e tyre per t’u derdhur lirisht ne fusht perreth. Megjithate banoret e Berdices shprehen te frikesuar dhe mendojne se uji mund te pesoje serish rritje ne oret e nates, ndaj kane mare masa te vendosin prita prane shtepive te tyre.

Kjo eshte Berdica, nje tjeter fshat i permbytur ku banoret pavaresisht thirrjeve te organeve shteterore, nuk pranojne te evakuohen duke vene ne rrezik dhe jeten e tyre per te mos lene pas ata qe ato e quajne gjithcka te tyren.

Top Channel