Koncesioni qe qeveria shqiptare pritet te jape ne janar per prodhimin privat te pullave te akcizes dhe sistemit te monitorimit te tyre, pritet te krijoje probleme te shumta teknike per kompanite prodhuese e tregtuese te mallrave te akcizes.
Gjithashtu, ky koncesion do te rrise kostot, por shqetesimi me i madh duket se lidhet me menyren se si do te percaktohen çmimet e pullave ne te ardhmen nga kompania private.
Kompanite e tregtimit te duhanit u ankuan serish permes Dhomes Shqiptaro-Amerikane te Tregtise, duke kerkuar informacione paraprake nga qeveria, e cila e ka nisur proceduren e koncesionit, por nuk ka dhene asnje shpjegim.
“Problemi qendron ne faktin se pulla e propozuar edhe pse nuk do te jete elektronike, pra do te jete me leter, do te kete nje kod te vetin, kod i cili do t’i jepet fabrikes qe prodhon mallrat qe jane subjekt i akcizes. Ne çdo fabrike do te aktivizohet ky kod dhe fabrikat do te detyrohen te instalojne nje pajisje te posaçme te dhene nga koncesionmarresi”, thuhet ne buletinin e fundit zyrtar te Dhomes Amerikane.
Prodhuesit dhe tregtuesit e mallrave te akcizes paguajne aktualisht 5 leke per çdo pulle akcize, çmim ky qe sipas tyre eshte kater here sa ai i pullave greke te akcizes. Deri me sot pullat jane prodhuar nga vete qeveria, e cila ka marre edhe fitimet.
Top Channel
