Topi: Zgjedhjet, kapitull i mbyllur

Duke folur ne emisionin “Top Story” ne Top Channel, kreu i shtetit eshte shprehur se qendrimi i tij ndaj procesit zgjedhor eshte i pandryshueshem.

“Une mendoj qe pozicionin tim si president e kam mbyllur persa i perket vleresimit te zgjedhjeve. Ky eshte nje vleresim i bere dhe nuk jam konformist kur i bej ato. Une kam bere prononcime individuale edhe atehere kur subjekti im politik mendonte ndryshe. Une vleresimin per zgjedhjet e kam dhene njehere”, ka pohuar Topi.

Duke u fokusuar tek situata politike ne vend, Topi ka vleresuar se qendrimet e partive jane ekskluzivitet i vete subjekteve politike dhe ka theksuar se presidenti nuk mund te nderhyje ne to.

“Persa i perket zhvillimeve politike, menyra se si i shohin partite gjerat eshte ekskluzivitet i tyre. Per te zhvilluar debat politik ka hapesire te pafund. Dikujt mund t’i vije keq qe une shprehem keshtu, por une flas mbi parimet kushtetuese. Ne nje bashkepunim politik ka mundesi te debatohet dhe te leshohet, pra eshte ne vullnetin e partive. Une nuk mund te jap leksione”, ka nenvizuar Topi, duke dhene garancine e tij se cdo vendim e ka marre duke respektuar kushtetuten.

“Ceshtja e Kushtetutes u takon te gjitheve. Presidenti duhet te jete garant i Kushtetutes. Kur u bene ndryshimet une u thash paleve te benin kujdes dhe te informonin qytetaret, por ndryshimet u bene brenda nje nate dhe une isha i detyruar t’i dekretoja dhe kjo nuk ka vend per koment”, eshte shprehur Topi.

I pyetur lidhur me marredheniet e tij me kryeministrin Berisha, kreu i shtetit i ka cilesuar ato si “institucionale”, nivel qe sipas tij eshte me i pershtatshmi. Ai ka nenvizuar gjithashtu se ne takimet e zhvilluara me kryeministrin nuk ka diskutuar per krizen politike.

“Jam takuar me Berishen por nuk eshte vendosur ne rendin e dites kjo ceshtje. Marredheniet shoqerore, marredheniet qe ekzistojne ne kafene apo ambjente te tjera t’i bejme institucionale. Dhe ne momentin qe themi se jane te tilla atehere ato jane te arrira”, ka shtuar Topi.

Top Channel