Jemi zyrtarisht ne stinen e dimrit. Kemi veshur rroba te trasha, jemi me te kujdesshem per te mbajtur trupin ne temperature konstante, per te mos u prekur nga asnje viroze ne qarkullim.
Ashtu sic thone edhe mjeket pediater, mosha me e ndjeshme ndaj luhatjeve te temperaturave jane femijet. Ata nxenes qe mesojne ne shkolla te rikonstruktuara vitet e fundit, jane me me fat, sepse kushtet e ngrohjes jane vertet te mira.
Keto shkolla jane planifikuar te kene ngrohje qendrore me kaldaje, keshtu qe sapo Instituti i Parashikime te Motit njofton per ulje te temperaturave, punonjesit e sherbimit teknik ne shkolla bejne gati “nxehjen” e kaldajes. Keshtu, si prinderit edhe nxenesit jane me te qete per ngrohjen gjate kohes qe qendrojne ne shkolle.
Shkollat e tjera qe jane rikonstruktuar para viteve 1999 nuk e kane “luksin” e ngrohjes qendrore, prandaj gjetja e zgjidhjeve per “nxehtesi” eshte alternative. Ajo me e njohura eshte grumbullimi i nje fondi nga te gjithe nxenesit e klases dhe blerja e nje radiatori, kaloriferi apo lloje te tjera ngrohesesh, qe kryesisht blihet prane tregut te njohur elektrik ne kryeqytet.
Kjo ngrohese perdoret per te nxehur sadopak ambientin e klases per kohen e 6 oreve kur do te kryhet mesimi.
Kjo ngrohese ruhet ne “inventarin” e mendjes se secilit per ta rikthyer ne skene vitin e ardhshem shkollor, deri ne rikonstruksion te shkolles dhe instalim te metodave me te avancuara te ngrohjes. Problemi i ngrohjes ne shkolla, kopshte e cerdhe ka ardhur duke u permiresuar, pasi zgjidhjet “alternative” gjate viteve te kaluara me shume prishen pune se ndreqen.
Drejtoria e Higjienes dy vjet me pare nxori urdhrin per mosperdorim te sobave te gazit ne asnje nga ambientet e shkolles, cerdheve apo kopshteve. Gazi paraqiste rrezik per shendetin, por edhe per sigurine e te vegjelve, edhe pse mund te ngrohte ambientin me mire dhe me kosto pak me te ulet.
“Nuk lejohet ne menyre kategorike, perdorimi i sobave te gazit per ngrohje, as ne kopshte, as ne cerdhe dhe as ne shkolla. Nga inspektimet qe kemi kryer, ngrohja ne shkollat e parikonstruktuara behet me radiator, nderkohe qe ne nje pjese te mire te shkollave nuk ka ngrohje”, tha specialistja e Drejtorise se Higjienes ne kryeqytet, Besa Shehi. Sipas saj, shkollat te cilat nuk e vuajne problemin e ngrohjes jane ato te rikonstruktuara vitet e fundit.
Top Channel
