Disa kompani te importimit te duhanit kane kritikuar qeverine per “mungese transparence” ne koncesionin per prodhimin e pullave fiskale.
Ato i kane sugjeruar asaj permes Dhomes Shqiptaro-Amerikane te Tregtise (AMCHAM) te hyje ne konsulta per te gjetur nje zgjidhje me te mire per kete çeshtje, behet e ditur nga Dhoma Shqiptaro-Amerikane ne publikimin e saj zyrtar “Advantage”.
“Perfaqesues te industrise se duhanit kane ngritur problemin e pulles se akcizes, e cila, per shkak te shtypjes ne kushte me te larta sigurie, u rrit atyre koston”, thuhet ne buletinin zyrtar te AMCHAM.
Qeveria shqiptare mori kete vit nje propozim per koncesion te pakerkuar dhe hapi procedurat per te lejuar prodhimin privat te pullave te mallrave te akcizes nen argumentimin se nje sistem i tille do te shmange prodhimin e pullave te falsifikuara.
Por prodhuesit e duhanit dhe pijeve alkoolike, te cilet i blejne keto pulla dhe i vendosin ne produktet e tyre para se t’i hedhin ne treg, mendojne se skema do te rrise kostot e pullave dhe rrjedhimisht, edhe çmimet e ketyre mallrave ne treg.
Top Channel
