Komisioni Europian ka filluar zyrtarisht nje hetim ndaj kompanise ceke CEZ pasi dyshohet per praktika ilegale dhe kufizim te konkurrences ne treg nga ana e kesaj kompanie.
CEZ njihet pasi se fundmi ka blere edhe kompanine shqiptare te shperndarjes se energjise elektrike, OSSH.
CEZ kompania me e madhe energjetike ne Europen Lindore, dyshohet se ka perdorur fuqine e saj financiare per te nxjerre nga tregu konkurentet e tjere dhe duke se ka rritur artificialisht cmimet e energjise ne tregun cek.
Hetimi mund te zgjase disa muaj dhe nese ekspertet e Komisionit Europian do te arrijne te provojne dyshimet e ngritura kompania ceke rrezikon nje gjobe e cila mund te arrije deri ne 1.8 miliarde dollare.
Komisioni Europian eshte shume i rrepte ne praktikat antikonkurruese dhe sipas ligjit, cdo kompani qe perdor keto praktika nese veretohet gjobitet deri ne 10 per qind te xhiros vjetore.
Lajmi eshte bere publik edhe ne website-n zyrtar te grupit cek, i cili deklaron se e mirepret hetimin dhe eshte shprehur i gatshem te vere ne dispozicion te eksperteve te KE-se gjithe dokumentacionin e nevojshem.
CEZ, nje kompani e zoteruar ne masen 70 per qind nga qeveria ceke, po shnderrohet ne nje nga kompanite me te medha energjetike ne gjithe Europen permes blerjeve masive te kompanive te tjera energjetike.
Aktualisht CEZ Grup perfshin nje konglomerat prej 96 kompanish, te shtrira kryesisht vendet e ish-Bllokut Lindor. Vitin i kaluar CEZ hyri edhe ne tregun shqiptar duke marre monopolin e shperndarjes se energjise elektrike permes blerjes se OSSH-se per nje vlere prej rreth 128 milione euro.
Asetet e CEZ grup llogariten ne disa miliarde euro nderkohe qe vetem vitin e kaluar kompania ka arritur te realizoje nje xhiro vjetore prej rreth 11 miliarde dollaresh, gati sa produkti i brendshem bruto i Shqiperise.
Top Channel
