Makthit te investitoreve te huaj duket se po i vjen fundi.
Per vite te tera shume projekte investimesh jane nderprere per shkak te konfliktit me pronen, ku pale te ndryshme pretendonin per autoresine.
Tani, me ligjin e ri qe pritet te miratohet ne qeveri, edhe ne rast padish per pretendim prone, investimi i huaj do te vijoje, ndersa per zgjidhjen e çeshtjes gjyqesore do te merret Avokatura e Shtetit.
Pothuajse ne te gjitha raportet nderkombetare, studimet e institucioneve financiare, e deri ne rang kreresh shteti te huaj, kane vene ne dukje problemin e tokes ne Shqiperi.
Sipas eksperteve te qeverise, investimet e huaja do te ishin disa here me te medha ne rast se problemet me tokat do te ishin zgjidhur shume kohe me pare.
I ndodhur mes ankesave te shumta, kryeministri Sali Berisha urdheroi nje muaj me pare Ministrin e Drejtesise per ndryshimin e ligjit “Per mbrojtjen e investimeve”, hartuar qe ne 1992-n.
Gazeta “Shqip” disponon te plote permbajtjen e projektligjit, i cili pritet te kalohet brenda vitit ne Keshill te Ministrave.
Ndryshimet
Ligji per mbrojtjen e investimeve te huaja eshte ndryshuar kryesisht ne nenin 8 te tij, duke u shtuar tre pika, te cilat sqarojne proceduren qe duhet ndjekur ne rastet kur ka proces gjyqesor apo padi.
“Ne rast te paraqitjes se nje padie sipas pikes 4 te ketij neni, gjykata nuk urdheron nderprerjen apo pezullimin e investimit te huaj, si mase e sigurimit te padise per shkak se ekzekutimi i vendimit perfundimtar gjyqesor nuk behet i pamundur ose i veshtire”, thuhet ne piken 5 te nenit 8.
Pikerisht, ky paragraf i jep imunitet investitorit qe te mos preket nga proceset gjyqesore apo padite ndaj tij, ne rastet kur persona te ndryshem pretendojne se jane pronare te truallit apo objektit.
Megjithate, nje tjeter pike e ligjit sqaron edhe proceduren qe duhet ndjekur ne rast se investitori humb gjyqin.
“Avokatura e Shtetit njofton menjehere organin shteteror kompetent per shpronesimin, per te filluar menjehere proceduren e shpronesimit”, pra, qeveria shproneson pronaret e truallit, ndersa investitori i huaj vijon normalisht punen.
Situata aktuale
Ministri i Drejtesise pranon faktin, se gjate praktikes, jane vene re pengesa ne ushtrimin e veprimtarise se investitoreve te huaj, ne zonat dhe trojet, te cilat jane objekt çeshtjes gjyqesore per zgjidhjen e pronesise.
Nje prej pengesave eshte hapja e çeshtjeve gjyqesore nga personat private, qe kane pretendime mbi te drejta reale per pasurine e paluajtshme, objekt i investimit te huaj.
Ne disa raste, ne kuader te sigurimit te padise eshte urdheruar pezullimi ose nderprerja e investimit, mase e cila ka vazhduar per disa vite rresht deri ne perfundim te procesit gjyqesore.
Top Channel
