Ministria e Financave propozoi rritje 3 per qind te rrogave te zyrtareve te larte, duke filluar nga 1 korriku i vitit 2010, por deputetet e Komisionit Parlamentar te Ekonomise preferuan rritje me te larte, me 4 per qind.
Me nje taktike perfekt te ores se fundit, komisioni ndryshoi dje ligjin per buxhetin, pikerisht nenin qe percakton pagen e Presidentit te Republikes.
Ndryshimi i pages sjell perfitime per te gjithe kreret e larte te shtetit. Me rritjen e pages se Presidentit, automatikisht rritet edhe rroga e Kryeministrit, Kryetares se Kuvendit, ministrave, deputeteve etj.
Propozimi i ministrit te Financave ishte per rritje 3 per qind (indeksuar me inflacionin), pra nga 250 mije leke, te behej 257 mije e 500 leke.
Propozimi u rrezua dhe u pa e arsyeshme rritja e pages me 4 per qind, duke e bere 260 mije leke ne muaj.
Ndryshimi shkaktohet tek e gjithe hierarkia e pagave per kreret e larte te shtetit.
Pas dates 1 korrik, tashme do te kete page me te larte kreu i Kuvendit, Kryeministri, kreu i Gjykates se Larte etj. Megjithate, pritet miratimi final ne seancen parlamentare, qe pritet te zhvillohet sot pasdite.
Ndryshimet
Neni 12 i ligjit per buxhetin e vitit 2010 percaktonte se, “paga e Presidentit te Republikes eshte 250 000 leke ne muaj dhe, nga 1 korriku 2010 behet 257 500 leke ne muaj”.
Propozimi vinte nga Ministria e Financave per rritje me 3 per qind e miratuar dy jave me pare nga vete kreu i qeverise bashke me kabinetin.
Por, gjate diskutimit nen per nen ne Komisionin Parlamentar per Ekonomise dhe Financat, deputetet rane dakord qe paga te rritej me 4 per qind, per rrjedhoje, ndryshimi tashme reflekton edhe ne rrogen e tyre, bashke me te krereve te tjere te shtetit.
Ndryshimi i ores se fundit, kur pritet miratimi final ne Parlament, sjell efekte negative ne buxhet, pasi Ministria e Financave e ka llogaritur fondin per pagat e reja me 2.7 miliarde leke, duke pasur parasysh rritjen me 3 per qind (bashke me kategorite e tjera).
Perfituesit
I pari qe perfiton nga rritja e pages se Presidentit Bamir Topi eshte Kryetarja e Parlamentit, Jozefina Topalli, e cila do te marre shtese 8 mije e 900 leke te reja.
Te njejtin nivel perfitimi do te kene Kryeministri Sali Berisha dhe kryetarja e Gjykates se Larte, Shpresa Beçaj, te cilat pas dates 1 korrik 2010 do te marrin page mujore 231 mije e 400 leke (rreth 2500 dollare).
Efekti shtrihet edhe te ministrat, te cilet marrin page me te larte me 6 mije e 800 leke, duke e bere ne total 176 mije e 800 leke (qe te gjitha keto me te reja).
Sa u takon deputeteve, te cilet iniciuan ndryshimin e ligjit, paga e tyre mujore rritet me 6 mije e 100 leke, duke e çuar ne total 158 mije e 600 leke.
Top Channel
