Shoqata e Shoqerive te Hidrokarbureve eshte terhequr nga plani per te nderprere furnizimin me karburant, duke u nisur nga fakti se Ministria e Financave ka pranuar te rishikoje masen e gjobave.
Megjithate, ne rast se nuk do te kete ndryshim te situates, shoqata paralajmeron me greve, por me pare do te beje njoftim disa dite para nderprerjes se aktivitetit.
“Drejtuesit e tatimeve po rishohin problemet qe jane ngritur nga ana e subjekteve veç e veç dhe nga shoqata jone ne teresi dhe, ne varesi te zgjidhjes se drejte e ligjore qe do te behet nga ana e tyre, do te ndermerren edhe hapat konkrete te Shoqates se Hidrokarbureve, ne mbrojtje te lirive dhe te drejtave ekonomike te subjekteve”, u shpreh dje shoqata.
Plani i meparshem ishte per mbylljen e 1200 pikave ne te gjithe vendin, por nderhyrja e ministrit te Financave frenoi greven.
Anetaret e Shoqates se Hidrokarbureve, edhe pse ka marre gjoba deri ne 50 milione dollare dhe u jane mbyllur mbi 16 pika, perseri e pane te arsyeshme te terhiqen, me shpresen se do te gjejne zgjidhje me qeverine.
Top Channel
