Ne vitin 2001, kater kompani konsulence te huaja hartuan nje strategji afatgjate per zhvillimin e tregut te energjise elektrike dhe i caktuan Korporates Elektroenergjetike Shqiptare nje rol thelbesor ne prodhimin, eksportin dhe importin e energjise elektrike, por modeli i privatizimit te Operatorit te Sistemit te Shperndarjes pritet ta ktheje KESH-in nga nje gjigand, ne nje kompani te vockel, bejne te ditur eksperte te energjise.
Sipas eksperteve, KESH pritet qe ne te ardhmen te marre me pak se 20 per qind te xhiros se pergjithshme te sektorit te energjise, gje qe do te thote se kompania do te jete ne pamundesi financiare per te shlyer borxhet e veta dhe nuk do te kete asnje shans te mendoje per te investuar ne ndertimin e kapaciteteve te reja gjeneruese.
Tregu i energjise elektrike pritet te qarkulloje ne total rreth 37 miliarde leke kete vit, nga te cilat korporata qe zoteron hidrocentralet, do te marre vetem 7.3 miliarde leke, ose me pak se 20 per qind te totalit. Gjate ketij viti, cmimi mesatar i shitjes finale te energjise elektrike pa TVSH ka qene 8.45 leke per kWh, por KESH, i cili e prodhon energjine, ka marre mesatarisht 0.78 leke per kWh.
KESH ka kerkuar qe cmimi mesatar te rritet per te nga 0.78 leke, ne 1.1 leke per kWh, por kjo tarife nuk merr parasysh koston e amortizimit te hidrocentraleve dhe ia heq KESH-it cdo mundesi per te investuar ne te ardhmen ne kapacitete te reja gjeneruese.
Nje studim financiar nga Banka Boterore, ne ate kohe parashikoi qe KESH te investonte per ndertimin e termocentraleve te reja me fuqi te instaluar prej 400-600 megavat. Per te realizuar kete detyre, kostoja margjinale (kostoja e shtimit te prodhimit) ishte rreth 4.2 leke per kilovat/ore.
Sipas studimit, ne Shqiperi nevojiten rreth 13 leke investime per te furnizuar nje kilovat/ore energji shtese, nga te cilat rreth 8 leke duhej t’i takonin prodhimit dhe transmetimit, ndersa pjesa tjeter shperndarjes. Sistemi aktual i krijuar pas privatizimit te OSSH-se ben qe prodhimi dhe transmetimi te marrin se bashku me pak se 25 per qind te vleres monetare te siguruar nga shitja, ndersa shperndaresi te marre 75 per qind.
Per me teper, qeveria e sotme duket se nuk ka ne plan te krijoje kushtet qe KESH te investoje ne termocentrale, pasi duket me e interesuar qe termocentralet te ndertohen privatisht nga investitoret e huaj.
Top Channel
