Menjehere pas ekstradimit te Alfred Shkurtit, nga Drejtoria e Policise jane bere publike edhe akuzat qe rendojne mbi kreun e bandes se Lushnjes.
“Prokuroria per Krimet e Renda formuloi akuzen ndaj drejtuesit te kesaj organizate kriminale Aldo Bare per Krijimin e organizates kriminale, per me teper se 20 vrasje, per rrembim personi, shkaterrim prone, dhunim varresh, kryerje veprash penale ne bashkepunim nga organizata kriminale”, thuhet ne deklaraten e Drejtorise se Policise.
Me tej theksohet se Aldo Bare dhe organizata e tij kriminale akuzohen per vrasjen dhe dekapitimin e Artur Dajes ne qytetin e Lushnjes, per vrasjen ne qender te qytetit te shtetasit shqipataro-maqedonas Xhevat Demiri, per vrasjen per shkak te cilesive te veçanta, mbetur ne tentative te shefit te Komisariatit te Policise Lushnje Sinan Meta, per vendosjen e lendes eksplozive me telekomande ne stadiumin e futbollit te qytetit te Lushnjes, per vrasjen ne vitin 2000 te inspektorit te Policise Kriminale Klejdi Bano, per vendosjen ne vitin 2001 te eksplozivit ne banesen e inspektorit te Policise se Rendit Idriz Shuli, per vrasjen ne janar te vitit 2005 te Klodian Haxhiut, per vendosjen ne mars te 2005 te eksplozivit ne banesen e nje punonjesi policie ne rrugen Don Bosko ne Tirane.
Po ashtu Bare dhe banda akuzohen edhe per vendosjen e mines me telekomande ne makinen e ish-drejtorit te Policise Kriminale Xhavit Shala, per vrasjen ne vitin 2005 te biznesmenit Baki Taullaut, si dhe disa vepra te tjera penale te cilat jane ne hetim, per vrasjen e ish-kryetarit te SHIK-ut, te rrethit Lushnje Bashkim Shkurti, per vrasjen e ish-nenkryetarit te Bashkise te qytetit Lushnje Drago Voshtima, vrasje keto te kryera ne vitin 1998.
“Aldo Bare akuzohet gjithashtu per drejtimin e njerit prej rrjeteve me te fuqishme te trafikut nderkombetar te droges ne drejtim te Europes Perendimore, per te cilat bashkepunohet me partneret perendimor”, thuhet ne deklaraten e policise.
Top Channel
