Holanda: Shqiperia ne BE? Nuk na joshni

Pas miratimit formal nga vendet anetare per t’i kaluar per shqyrtim Komisionit kerkesen e Tiranes per statusin kandidat, nje zyrtar i larte i Ministrise se Jashtme holandeze ka deklaruar se Shqiperia nuk eshte ende joshese per te perfituar paraprakisht avantazhe nga Bashkimi Europian.

I pyetur nga “Top Channel” per situaten politike ne vend dhe protesten e opozites, zyrtari europian nuk dha asnje koment per kete te fundit, por shprehu vetem nje qendrim te pergjithshem per situaten.

“Ne Shqiperi ka dilema te veshtira politike. Reformat kane ngecur. Kritike paraqitet reforma gjyqesore dhe procesi zgjedhor. Politika shqiptare nuk ka asgje te re qe te na joshe per t’u dhene besimin paraprak dhe neve na duhet qe t’u referohemi veprave qe realizohen e jo synimeve. Per te qene pjese e BE-se dhe kjo s’ka te beje fare me NATO-n”, nenvizon zyrtari holandez.

“Ju duhet te beni reformen zgjedhore dhe te garantoni pavaresine e sistemit te drejtesise. Politika e jashtme e Holandes do t’i shohe me kujdes keto dy çeshtje per rastin e Shqiperise”, perfundoi qendrimin e tij perfaqesuesi i larte i Ministrise se Jashtme holandeze.

Vete ministri i Jashtem holandez pati deklaruar per “Top Channel” se ishte raporti i OSBE/ODIHR-it mbi zgjedhjet e 28 qershorit ai qe i hapi rrugen votes pozitive ne Keshillin e Bashkimit Europian.

Por, ne momentin kur komisioni po shqyrton aplikimin e Shqiperise per t’ua kaluar serish çeshtjen vendeve anetare per te dhene pelqimin perfundimtar, sipas deklarates se mesiperme te zyrtarit te larte te Ministrise se Jashtme holandeze, vendi i tij vazhdon te kete rezerva mbi politiken dhe ecurine e Shqiperise ne reforma te rendesishme.

Top Channel