Pak dite perpara se Komisioni Europian t’i dorezoje Shqiperise pyetesorin, drejtori i pergjithshem per Ballkanin perendimor, Pierre Mirel u kerkoi te gjitha forcave politike shqiptare, perfshire edhe opoziten, te kontribuojne per pyetesorin brenda parlamentit.
“Debati politik, diskutimet politike, ne nje demokraci zhvillohen ne parlament dhe jo ne rruge. Perndryshe kjo do te ndikoje ne vleresimin tone, nese demokracia po funksionon, qe do te thote, nese parlamenti, qe eshte nje insitucion kyc ne demokraci, po funksionon. Prandaj duhen gjetur shpejt rruget per te siguruar qe opozita te kthehet ne parlament”, deklaron Mirrel.
Ne vijim, ai ka bere thirrje per dialog mes mazhorances dhe opozites per te gjetur zgjidhje, ne menyre qe opozita te kthehet ne parlament per te kontribuar ne kete debat. Duke u shprehur i hapur per dialog me opoziten per ato qe i quajti kerkesa te arsyeshme, ministri i Jashtem, Ilir Meta tha se per partneret nderkombetare dialog nuk do te thote hapje e kutive te votimit.
“Asnje insitucion ne boten demokratike nuk nenkupton hapjen e kutive apo kur flitet per dialog te parakuptohet kjo. Askush nuk perkrah ultimatumet, askush nuk perkrah destabilizimin”, theksoi Meta.
Top Channel
