Aliu: Fshehja e kombesise shqiptare, mashtrim

Ai ka reaguar ashper dje pas lajmit se autoritetet e Shkupit kane vendosur qe kombesia te mos perfshihet ne te dhenat qe permban dokumenti i ri i shtetasve te FYROM-it.

“Nuk kam qene ende ne rrjedhe te ketij fakti, pasi disponoj pasaporten time te vjeter. Por sot jam informuar dhe nese kjo eshte e fiksuar ne kete menyre ne pasaporten e shtetasve me kombesi shqiptare te shtetit tone, atehere me duhet ta denoncoj si nje mashtrim.

Ky eshte mashtrim dhe per kesi mashtrimi une nuk pertoj te reagoj. Natyrisht qe kjo eshte fshehur nen gjuhen angleze ne pasaporte. Por gjithsesi per kete mashtrim duhet te reagojne te paret kompetentet, ata qe jane ne institucione dhe perfaqesojne shqiptaret ne shtetin e Maqedonise. Une ju kujtoj se duhet te reagojne ata qe e kane obligim, te shmangin pasaktesite”, tha dje per gazeten “Shqip”, akademiku Ali Aliu.

Nderkohe, per kete ceshtje ka reaguar ashper edhe Partia Demokratike Shqiptare, me ane te sekretarit te saj, Ernad Fejzullahu. Ai tha dje ne nje prononcim per gazeten “Shqip” se “kjo eshte pasoje e etnocentrizmit te shtetit maqedonas”. Sipas zotit Fejzullahu, ne Maqedoni ekziston nje tendence e rrezikshme per te paraqitur gjithcka “me prefiksin maqedonas”.

“Ne nuk kemi vetem problemin e pasaportave. Kemi problemin e televizionit shteteror, qe eshte teresisht maqedonas. Kemi problemin e femijeve shqiptare, qe po duhet qe ne klase te pare te mesojne maqedonishten me detyrim. Ne kemi problemin qe ketu edhe ajri po eshte maqedonas…”, thote sekretari i partise me te madhe te shqiptareve ne opozite.

Per kete situate, perfaqesuesi i PDSH-se nuk harron te beje pergjegjese edhe partine shqiptare qe eshte pjese e koalicionit qeverises, Bashkimin Demokratik per Integrim te Ali Ahmetit. “Ky hegjemonizem po zhvillohet edhe sepse lejohet nga partneret shqiptare te qeverise se VMRO-DPMNE-se, megjithese ne fakt ketu nuk mund te flasim per partneritet, perderisa njera pale vepron si do, ndersa tjetra bindet”, thote zoti Fejzullahu.
Ne kendveshtrimin e tij dhe te PDSH-se, duke marre parasysh edhe problemin e kontestit te emrit, situata ne

Maqedoni po rendohet e po shkon cdo dite e me afer kolapsit. “Per kete arsye, ne po u ofrojme shqiptareve nje marreveshje politike. Po punojme ne terren per te lidhur nje marreveshje me 15 pika, ku perfshihen te gjitha problemet me te cilat perballen shqiptaret sot, duke filluar nga ndarja e buxhetit, deri tek identiteti kombetar”, thote sekretari politik i PDSH-se.

Pasaportat e reja biometrike do te jene dokumenti qe do te lejoje qe nga dhjetori i ketij viti shtetasit e ish-Republikes Jugosllave te Maqedonise te levizin pa viza ne vendet e Bashkimit Europian. Por ne keto dokumente, ndryshe nga pasaportat ekzistuese, nuk percaktohet kombesia dhe te gjithe konsiderohen maqedonas, term ky aspak i pelqyeshem per shqiptaret, qe jane etni shtetformuese ne kete vend.  

Top Channel