Qeveria shqiptare e ka ndare mendjen per ndertimin e termocentralit me qymyr ne zonen e Porto Romanos prane Durresit.
Shkaku qe vonon fillimin e ndertimeve ka te beje me garen mes dy gjiganteve energjetike: italianeve te ENEL dhe konsorciumit gjermano-grek RWE. Te dyja kompanite kane shprehur interes per ndertimin e termocentralit me kapacitet prodhues 800 megavat.
Zyrtare nga Ministria e Ekonomise, Tregtise dhe Energjetikes thone per “Shqip” se gara mes dy kompanive mund te perzgjidhet ne muajin janar 2010, ne menyre qe t’i hapet rruge ndertimit, me plan brenda vitit qe vjen.
Kompanite i kane dorezuar projektet duke aplikuar per ndertimin e TEC-it, kurse specialistet e ministrise jane duke vleresuar ofertat.
Plani i qeverise per fillimin e negociatave konkrete me njeren nga kompanite eshte per t’u mbyllur ne fillim te vitit. Mendohet qe ndertimi i termocentralit do te kerkoje kater vjet, me vlere investimi mbi 1 miliard euro. Sasia e energjise qe do te prodhohet konsiderohet teper e larte, pertej nevojave te vendit tone, per pasoje eshte menduar qe gjysma te mbetet ne Shqiperi dhe diferenca te eksportohet.
Aktualisht nuk ka ende nje perllogaritje te sakte sesa do te jete cmimi i energjise qe t’i shitet pales shqiptare, por ministria mendon se do te jete me koston e prodhimit.
Ne total projekti per ta kthyer Porto Romanon ne park te madh energjetik kushton rreth 4 milione euro. Brenda zones parashikohet te ndertohet nje rigazifikator, dy termocentrale, depozita karburanti dhe port per anijet.
Pervec kesaj parashikohet te krijohet dhe nje zone e lire ekonomike per bizneset industriale. Te gjitha investimet do te kryhen nga privati, por me pare qeveria shqiptare duhet te shpenzoje ca para per t’i kthyer zones kushtet optimale per investim, si rruge, drita dhe uje.
Top Channel
