Ne tregun tone farmaceutik qarkullojne ilaçe pa pullen e sigurise, nderkohe qe medikamentet transportohen dhe ruhen ne kushte te papershtatshme.
Gjate tre muajve te fundit, vetem ne kryeqytet jane penalizuar disa subjekte farmaceutike, nderkohe qe inspektoret e Qendres se Kontrollit te Barnave kane propozuar edhe heqje te licences per disa farmaci ne kryeqytet.
“Jane vendosur kater gjoba ne masen 200 mije leke te reja, nderkohe qe jane penalizuar dy subjekteve te tjera me shumen 500 mije leke te reja. Kontrollet jane kryer gjate tre muajve te fundit”, deklaroi dje kreu i Qendres se Kontrollit te Barnave, Besnik Jakaj.
Sipas tij arsyeja e gjobevenies ishte keqmenaxhimi i transportit dhe ruajtjes se medikamenteve. Nderkohe qe pjesa tjeter eshte kapur duke shitur barna kontrabande, apo siç njihen ndryshe ilaçe pa pullen e sigurise.
Tregtimi i ilaçeve pa pullen e sigurise, higjiena, vendi ku ruhen, dhe menyra si transportohen duhet te behet brenda normave te lejuara.
Qendra e Kontrollit te Barnave ka propozuar bashke me Ministrine e Shendetesise hartimin e nje projektligji, i cili te garantoje rregulla lehtesuese per subjektet ne menyre qe transporti dhe ruajtja e ilaçeve ne tregun farmaceutik te kryhet ne baze te standardeve, te njohura nga vendi i prodhimit te barnave.
Pjese e projektvendimit do te jete edhe pika e cila do te kerkoje qe çdo ilaç qe mberrin ne Shqiperi te kete nje flete shoqeruese, e cila te tregoje menyren e ruajtjes se medikamenteve, temperaturen, ndriçimin dhe te gjitha kushtet e nevojshme per te garantuar efektivitet ne kohen e perdorimit.
Sipas Qendres se Kontrollit te Barnave, permiresimi i hapesirave ligjore dhe njekohesisht edhe lehtesimi i procedurave per subjektet farmaceutike, lidhur me informimin apo udhezimin e tyre do te sillte edhe permiresim te qarkullimit dhe tregtimit te ilaçeve ne baze te normave dhe standardeve te kerkuara nga shkenca qe “kujdeset” per ilaçet, farmakovigjilenca.
Top Channel
