Mungesa e opozites ne parlament dhe domosdoshmeria e kryerjes se disa reformave me shumice te cilesuar ka rindezur diskutimet ne seancen plenare se cila duhet te jete pala qe duhet te tregohet me tolerante.
Zeri i vetem opozitar ne parlament, Vangjel Dule dha si zgjidhje qe te dyja palet duhet te leshojne nga pak, ne menyre qe te arrihet nje konsensus ne kete moment historik per vendin.
Sipas zotit Dule opozita duhet te jete e pranishme ne parlament, por edhe mazhoranca te ulet ne dialog per zgjidhjen e kerkesave. Kreu i PBDNJ-se i kerkoi kryeministrit Berisha qe ai te marre persiper zgjidhjen e ketij ngerci. Por ne vend te kryeministrit, pergjigjen zotit Dule ia dha zevendeskryeministri Ilir Meta.
Ai perseriti per te disaten here se mazhoranca eshte e gatshme per dialog brenda parlamentit dhe se nuk pranon ultimatume nepermjet protestave. Zoti Meta tha se mazhoranca i ka ofruar Partise Socialiste te drejtoje dhe te vendose per reformen zgjedhore sipas rekomandimeve te ODIHR-it dhe se kerkesa per hapjen e kutive eshte antikushtetuese dhe si e tille ajo eshte e papranueshme.
Kete gje e rikonfirmoi pak me vone edhe kryeministri Sali Berisha, duke folur ne parlament per buxhetin e vitit te ardhshem. Ai i dergoi kreut te opozites Edi Rama mesazhin se qeveria eshte ne krye te detyres dhe se opozita nuk do te arrije t’i imponoje asnje kompromis per interesa personale, qe del mbi kushtetuten dhe demton interesat e vendit.
Top Channel
