Tatimet paralajmerojne se do te gjobisin me 100 mije leke deri ne bllokim aktiviteti, te gjitha bizneset e medha te kryeqyteteit qe nuk jane pajisur me kasa dhe nuk shesin me fature.
Bizneset qe jane ne skemen e TVSH-se ne qarkun e Tiranes duhet te ishin pajisur me kasa qe ne maj te ketij viti.
Ligji parashikon gjobe deri ne bllokim aktivitetit per tre muaj. Bizneset e para te bllokuara jane kater pika te shitjes se karburantit.
“Dje eshte kryer kontroll neper pika dhe eshte konstatuar se ka subjekte qe tregtojne karburant pa kasa fiskale. Ata do te gjobiten dhe mund te arrihet deri ne bllokim”, ka deklaruar Artim Braci, zevendesdrejtor i pergjithshem i Tatimeve.
Por tregtaret e karburanteve thone se afati i vendosjes se kasave deshtoi per faj te kompanive qe perzgjodhi vete Ministria e Financave per te tregtuar dhe instaluar pajisjet fiskale.
“Ministria ka zgjedhur me tender 4 kompani per pajisjen e pikave te karburanteve me kasa. Pergjegjesia per mosvendosjen e tyre nuk qendron tek kompanite, por tek vete Ministria e Financave”, ka deklaruar drejtori i shoqates se hidrokarbureve, Viktor Nushi.
Per bizneset e medha ne qytetet e tjera te vendit, ligji ka parashikuar si afat fundor per pajisjen me kasa dhjetorin e vitit 2009, ndersa per biznesin e vogel me xhiro nen 5 milione leke kasat do te hyjne ne fuqi ne qershor te vitit te ardhshem.
Top Channel
