Shtohen frikshem numri i aksidenteve rrugore ne Juglindje te vendit. Gjate dy javeve te para te muajit nentor, gati çdo dite ne rruget nacionale te Korçes mesatarisht nje person ka humbur jeten dhe dy te tjere plagosen si pasoje e aksidenteve rrugore.
Sipas statistikave, ngjarjet rrugore jane shnderruar ne nje fenomen shqetesues per rajonin juglindor, ku shume persona humbin jeten, te tjere plagosen rende dhe drejtues mjetesh ndiqen penalisht apo arrestohen per shkelje te rregullave te qarkullimit rrugor.
Vetem gjate 4 diteve te fundit, ne zonen juglindore te vendit kane mbetur te plagosur 8 persona dhe kane gjetur vdekjen tre te tjere nga aksidentet rrugore.
Rasti me i fundit eshte ai i nje 26-vjeçari nga fshati Podgorie, i cili ka gjetur vdekjen pasi ka qene duke drejtuar nje motoçiklete.
Burimet zyrtare te policise bejne te ditur se Altin Cocka eshte perplasur nga nje traktor bujqesor, ndersa autori i kesaj ngjarjeje te rende ka qene 16-vjeçari P.Pilici, nga i njejti fshat me viktimen.
Adoleshenti eshte arrestuar nga policia pasi ka perplasur ne rruge, 26-vjeçarin qe udhetonte me motoçiklete, duke regjistruar keshtu edhe viktimen e radhes ne rrugen nacionale Korçe-Pogradec.
Nderkaq, nje tjeter 26-vjeçar eshte aksidentuar ne kryqezimin e Plases, ne segmentin rrugor Korçe-Kapshtice, ndersa ka humbur kontrollin dhe ka dale nga rruga, duke pesuar demtime trupore.
Duke iu rikthyer shifrave, mesohet se gjate muajit nentor te pakten 18 persona kane gjetur vdekjen ne rruge dhe rreth 36 te tjere kane mbetur te plagosur.
Statistikat u referohen aksidenteve te ndodhura vetem per dy javet e para te muajit nentor, kur pothuajse çdo dite policia njoftohet per aksidente ne rruget e kesaj zone, pjesa me e madhe e te cilave kane pasur fund tragjik.
Policia raporton se shkak per aksidentet jane bere shkeljet ne rregullat e qarkullimit, levizja me shpejtesi tej normave te lejuara e mjeteve, parakalimet e gabuara dhe daljet ne kryqezime, si dhe mungesa e sinjalizimeve nga karrocat dhe biçikletat gjate oreve te nates.
Dy akset me problematike mbeten ato te Pogradecit dhe Kapshtices, ku aksidentet ndodhin pothuajse ne te njejtat kryqezime dhe ne afersi me zonat e banuara rurale.
Nisur nga shifrat alarmante te aksidenteve, policia eshte detyruar te shtoje patrullimet ne linja dhe kontrollet edhe gjate oreve te nates, megjithate aksidentet kane qene te pashmangshme.
Top Channel
