“Sot Shqiperia eshte gdhire me keq se nje dite me pare, me daljen e namit ne bote si nje nga vendet me te korruptuara. Ose, po t’i referohemi folklorit vleresues, me namin e fucise se qelbur te Ballkanit”.
Pasi tha kete, deputeti socialist Erjon Brace iu referua shqetesimit te perseritur te opozites mbi privatizimin e kompanise “Armo”, duke cituar raportin e KLSH.
“Demi efektiv ne veprimtarine ekonomiko-financiare ne fushen e shitjes dhe dhenies me qera te pasurise shteterore, kompanine “Albpetrol”, eshte me vlere 2 miliarde e 610 milione e 563 mije leke te reja, qe perfaqeson moslikuidimin e faturave per shitjen e produkteve nga kompania “Armo””, ka deklaruar Brace.
Ky dem sipas tij, eshte i barabarte me rrogat per nje vit e tete muaj te mbi 4 mije naftetareve te Kucoves, Fierit dhe Ballshit, te cilet tha ai kane tre muaj pa marre pagat e ligjshme.
Sipas Braces, mjafton vetem ky fakt qe prokuroria te nise hetimet dhe te zbertheje juridikisht mekanizmin e krimit me kete dem efektiv.
Top Channel
