Nje studim i fundit i Dhomes Europiane te Tregtise ka konkluduar se bizneset shqiptare jane ne pjesen derrmuese te tyre kritike me sjelljen e administrates tatimore dhe lehtesirat fiskale te qeverise.
Sipas studimit te publikuar vetem pak dite me pare, mbi 85 perqind e bizneseve qe operojne ne Shqiperi, vendase apo te huaja qofshin keto, jane te pakenaqur nga administrata fiskale dhe i konsiderojne lehtesirat tatimore si te paqarta, te pamjaftueshme dhe shpesh here selektive.
I njejti problem sipas studimit vihet re edhe ne Bosnje dhe Kroaci, ndersa ne Maqedoni dhe Mal te Zi bizneset e vleresojne pozitivisht sistemin tatimor.
Studimi i Dhomes Europiane te Tregtise thote se vendet e Ballkanit perendimor edhe pse paraqesin potenciale te medha per investime, kane nje sere problemesh, te cilat pengojne kompanite europiane per te investuar.
Studimi evidenton si tre pengesat me te medha nivelin e larte te korrupsionit, mungesen e transparences dhe konsultimit gjate hartimit te ligjeve, si dhe politikat e dobeta rregullatore.
Top Channel
