Kuvend, rikthehet kufiri me Greqine

Ajo qe bie ne sy eshte se marreveshja, pervec komisionit te jashtem dhe atij te sigurise kombetare, kthehet prape ne komisionin e ligjeve, ku eshte diskutuar njehere. Burime nga Kuvendi thone se atehere marreveshja thjesht u diskutua, pa u kaluar perfundimisht.

Mirepo marreveshja duhej te miratohej ne seancen plenare te dates 19 tetor. Asokohe kryetarja e Kuvendit, Jozefina Topalli, e terhoqi marreveshjen nga rendi i dites. Burime jo zyrtare nga Kuvendi pohuan se kjo u be per t’i dhene kohe paleve te interesuara te njiheshin me te. Ne fakt historiane dhe politikane te ndryshem akuzuan autoritetet shqiptare se i kishin dhene pales greke disa km katrore ujera territoriale, ne nje negocim aspak transparent. Kurse partia socialiste paraqiti ne Gjykaten Kushtetuese nje kerkese-padi, e cila ne fakt juridikisht nuk ka efekt pezullues.

Qe marreveshja te diskutohet ne komisone, ajo duhet te fiksohet gjate seances plenare si pjese e kalendarit te punimeve. Nuk dihet nese mazhoranca do ta beje kete ne seancat ne vijim, per ta kaluar marreveshjen neper komisione, brenda ketij viti. Ne cdo rast, pavaresisht rikthimit te marreveshjes ne komisionin e ligjeve, teksti i saj do te mbetet i njejte. Kohet e fundit nuk ka pasur asnje rinegocim me palen greke.

Top Channel