Gjykata: Vllaznia t’i ktheje Licit 31700 dollare!

Kjo shume kap shifren e 31 mije e 700 dollareve, te cilat tashme do te duhet te perfundoje ne xhepat e Licit. Vendimi ka marre forme zyrtare mesditen e se merkures nga Gjykata e Rrethit Gjyqesor Shkoder, pas padise se depozituar nga Lici.

Pas shqyrtimit te pretendimeve nga te dy palet, gjykata i ka dhene te drejte ish-futbollistit te Vllaznise, duke e cilesuar kerkesen e shlyerjes se shumes prej 31 mije e 700 dollaresh si te drejte.

Por, drejtuesit e klubit Vllaznia kane reaguar ashper, duke e konsideruar te padrejte kete vendim te gjykates. Sipas tyre, klubi nuk eshte ne kontrate me lojtarin dhe nuk ka asnje detyrim ndaj tij.

Aq me teper qe çeshtja e Licit eshte nje problem i mbartur qe nga presidencat e kaluara dhe pronaret aktuale te klubit nuk i detyrohen asnje lek ketij futbollisti.

Nisur nga ky pretendim, drejtuesit e klubit jane te vendosur per t’i shkuar deri ne fund ketij vendimi, te cilin e cilesojne arbitrar dhe qe shoqerohet me nje fature te kripur financiare per kuqeblute. Ajo kontrate eshte nenshkruar nga ish-sekretari i klubit, Ismet Hoxha, dhe ish-presidenti Agron Çela.

Shuma prej 24 mije dollareve u perket detyrimeve te kontrates, nderkohe qe 7700 dollare eshte kamatevonesa e vendosur nga gjykata per mosshlyerjen ne kohe te ketij detyrimi te meparshem. Burime nga klubi, bejne te ditur se vendimi i marre nga Gjykata e Shkodres do te apelohet ne shkallet me te larta te gjyqesorit.

Çeshtja Lici eshte e njohur prej disa vitesh, por asnjehere drejtuesit e klubit nuk i kane dhene te drejte, fakt qe e ka detyruar futbollistin e njohur shkodran t’u drejtohet dyerve te gjykates per t’i dhene zgjidhje problemit.

Top Channel