Drejtuesit e Vllaznise marrin masat e para ndeshkimore per skuadren. Humbja ne shtepi me Tiranen, e cila shihej si sfida qe do te sillte kthesen ne sezonin e shkodraneve, nuk eshte kaluar lehte nga klubi.
Presidenti Valter Fushaj ka treguar te gjithe zemerimin e tij duke gjobitur me nje rroge mujore futbollistet, por edhe pjesetaret e stafit teknik. Te vetmit qe i kane shpetuar masave ishin trajneri Roland Luci dhe mbrojtesi Blerim Rrustemi, te cilet nuk kane qene prej fillimit te sezonit ne skuader.
Ata jane shpetuar nga mberritja me vonese ne “Loro Borici”: drejtuesi i stolit, i cili zevendesoi Hasan Liken dhe ish-lojtari i Kombetares, nuk shihen si pjese e problemit dhe atyre u eshte lene ende edhe pak kohe te integrohen ne ambientin e ri.
Klubi kurrsesi nuk mund te pajtohet me ecurine e dobet ne kampionat, ku kuqeblute ndodhen ne vendin e parafundit ne klasifikim dhe shume te shkeputur nga kryesuesit. Skuadra e reklamuar ne fillim te sezonit si nje kandidate per titull jo vetem qe rrezikon pjesemarrjen ne kupat e Europes, por tashme ajo e sheh veten ne garen per mbijetese.
Fushaj dhe njerezit prane tij i kane kerkuar ekipit qe te reagoje sa me shpejt. Nese kualifikimi ne turin e dyte te Kupes cilesohet i arkivuar (pas fitores 4-0 ne ndeshjen e pare me Tomorin ne Berat), fitorja eshte i vetmi rezultat i pranueshem per sfiden e se dieles ne Korce, perballe Skenderbeut.
Nese ecuria e Vllaznise nuk do te ndryshoje, lojtaret dhe stafi jane paralajmeruar se masat do te pershkallezohen deri ne vendime ekstreme. Gjasat jane qe te kalohet ne ndeshkime individuale: e perkthyer ndryshe, pas cdo rezultati negativ, brenda grupit do te gjenden fajtoret, te cilet rrezikojne nga gjashte muaj pezullim, perjashtimin nga kuqeblute dhe gjoben me 30 per qind te vleres se kontrates, e cila parashikohet ne nje klauzole te marreveshjes qe secili futbollist ka lidhur me klubin.
Nje tjeter vendim i marre gjate dites se djeshme nga drejtuesit ne Shkoder ka qene edhe perjashtimi i Erjon Rizvanollit. Lojtari nuk do te perfaqesohet me me ngjyrat kuqeblu, pas nje konflikti qe ka pasur te merkuren e kaluar me trajnerin Luci dhe zevendesin e tij, Cungu. Sulmuesi, i cili ka vuajtur mungesen e hapesirave, duket se ka kerkuar llogari per mosaktivizimin.
Sjellja e tij nuk eshte toleruar aspak dhe kjo solli largimin zyrtar nga kontingjenti. Megjithate, burime prane Vllaznise kane deklaruar se Rizvanolli i detyrohet presidentit Fushaj 3 milione leke te vjetra: per t’u larguar gjate merkatos se janarit, per te luajtur ne nje ekip tjeter, me pare lojtari eshte i detyruar te paguaje kete shifer.
Top Channel
