Stadiumi “Meazza” do te prese sot ne mbremje derbin e Europes, Milan–Real Madrid, dy skuadra me shume yje dhe qe dhane spektakel ne ndeshjen e pare.
Leonardo pohon se edhe sfida e kthimit do te jete me e ndjekura pasi konsiderohet me shume si nje ndeshje boterori, nderkohe qe druhet nga yjet e Realit.
“Reali i Madridit eshte nje skuader qe te shqeteson gjithe kohes, ka theksuar Leonardo. Eshte shume e veshtire qe te dish se si do te zbrese ne fushen e lojes. Eshte nje ekipi qe fiton edhe kur nuk luan mire. Per me teper ne ate skuader ka futbolliste te tille qe mund te ndryshojne fatin e ndeshjes ne cdo kohe”, ka perfunduar braziliani.
Nderkohe Real Madrid kerkon hakmarrjen ndaj “Djallit”, nje sfide qe mund te jete percaktuese per trajnerin Pellegrini. “Ende nuk e kam kuptuar se cfare ndodhi ne Bernabeu”, ka pohuar trajneri i Realit. “Tani ne San Siro duam ne te fitojme, por sigurisht pa prishur ekujlibrin ne fushen e lojes”, ka perfunduar Pellegrini.
Ndeshja tjeter e grupit C do te jete ajo mes Olimpik Marseje dhe Zyrih. Ne grupin A, Bajern Mynih do te prese ne “Allianz” francezet e Bordo, ndersa Juventus do te ndeshet me ekipin qe fitoi dy jave me pare Makabi Haifa. Manchester United, kryesuesi i grupit B do te kete shume mungesa te rendesishme ne sfiden e mbremjes me CSKA-ne e Moskes.
Chelsea i Ancelotit do te kerkoje fitoren ne Spanje, perballe Atletiko Madrid, rezultat qe do t’i kualifikoje direkt londinezet per ne fazen tjeter te ketij kompeticioni.
Top Channel
