A/H1N1, Dinamo e Kievit-Inter, me dyer te mbyllura

02/11/2009 21:00

Ne prag te nje emergjence sanitare ne Ukraine per shkak te epidemise se gripit A, kryebashkiaku i Kievit, Leonid Cernovietski ka propozuar qe ndeshja e se merkures mes Dinamos se Kievit dhe Interit e vlefshme per faqen e grupeve te Champions Leagues, te zhvillohet me dyer te mbyllura per arsye sigurie.

“Duhet te bej nje apel per te gjithe popullsine e kryeqytetit te Ukraines qe te mos shkojne ne stadium diten e merkure”, ka deklaruar kryebashkiaku ne nje mbledhje emergjence ku u diskutuan perforcimet e masave parandaluese per perhapjen e virusit A/H1N1.

Deri tani 67 persona kane humbur jeten ne Ukraine per shkak te problemeve me rruget e frymemarrjes dhe 22 prej tyre jane vertetur se kane qene te semure me virusin A/H1N1.

Mijera qytetare te tjere jane shtruar neper spitale per te marre mjekimin per shkak te problemeve me virusin e gripit.

Sipas kryebashkiakut te Kievit, tifozet mund ta shohin te qete kete ndeshje nepermjet televizorit duke kontribuar ne te njejten kohe ne mbajtjen nen kontroll te kesaj situate.

Burime zytare te klubit te Dinamos, deri diten e hene jane shitur 90% te biletave qe ishin ne shitje per ndeshjen ndaj Interit.

Nderkohe qeveria ka marre masa drastike ne kete situate emergjence, duke mbyllur shkollat e duke kerkuar rrallimin e levizjeve te qytetareve me mjetet e transportit publik.

Por ndryshe mendon organizata boterore e shendetesise e cila ka deklaruar se nuk ve re nje situate kaq alarmante ne Ukraine, madje disa analiste vendas i jane kundervene qeverise vendase duke theksuar se ky panik po perdoret nga politikanet, te cilet kerkojne te marrin merita ne prag te zgjedhjeve presidenciale qe do te zhvillohen ne janar.

Top Channel