Luan Krasniqi ka siguruar ndeshjen e revanshit kunder Aleksander Dimitrenko.
Boksieri shqiptar qe perfaqeson Gjermanine ne ringun profesionist te peshave te renda do te perballet me ukrainasin ne arenen “Oberhausen”. Dueli, i cili do te mbahet me 28 nentor, eshte organizuar nga “Hamburger Universum Boxstall”, e drejtuar nga promotori i dy boksiereve, Klaus-Peter Kohl.
Sfida eshte e vlefshme per titullin nderkombetar ne versionin WBO, pjese e se ciles eshte kompania organizatore. Krasniqi dhe Dimitrenko kryqezuan dorezat pikerisht nje vit me pare, me ukrainasin qe fitoi perballe shqiptarit, vetem pas tri raundesh.
“Ne duelin e pare e hodha ne tapet Luanin. Do te provoj ta bej serish nje gje te tille”, deklaroi 27-vjecari, i cili ka dale 29 here fitues nga ringu, ne 30 takimet e zhvilluara.
Ne anen tjeter, 38-vjecari Krasniqi, qe ne karriere ka regjistruar 30 fitore ne 35 duele si profesionist tha: “Ajo qe mund te them rreth sfides eshte se kete here tifozet do te shohin me shume raunde”. Ai preferoi te perqendrohet te pergatitja per kete duel.
“Luani” po stervitet me ish-kampionin e botes ne peshen “kruizer”, mikun e tij Firat Arslan dhe eshte shprehur mjaft i kenaqur. “Kemi bere nje pune te shkelqyer. Eshte kenaqesi te stervitesh perkrah nje kampioni si Arslan: cdo dite eshte nje sfide me vete”, perfundoi Krasniqi.
Top Channel
