Kete vit do te akordohen bursa te plota per te gjithe nxenesit qe ndjekin shkollat profesionale ne dege prioritare si Bujqesi, Veterinari, Ndertim e Pyje.
Sipas Ministrise se Arsimit, qeveria do te mbuloje me burse te gjithe nxenesit e vitit te pare qe vazhdojne mesimin e shkollave profesionale dhe vijne nga 16 rrethet verilindore dhe juglindore. Dhenia e bursave dhe zbatimi i paketes nxitese perben nje garanci per rritjen e numrit te nxenesve me qellim qe arsimi profesional te pershtatet me mire me tregun e punes.
Ne programin e qeverise thuhet se: “Zgjerimi i pjesemarrjes se nxenesve, trefishimi i numrit te nxenesve nga zona verilindore dhe juglindore ne arsimin e mesem, me perparesi ne ate profesional, pershtatja ne vazhdimesi e struktures se arsimit te mesem profesional me kerkesat e tregut.
E gjithe kjo do te shoqerohet me nje reforme institucionale, qe do te mundesoje, ne planin afatgjate, krijimin e nje sistemi modern dhe eficient te arsimit e formimit profesional”.
“Ndersa ne mandatin e pare te qeverisjes ‘Berisha’ u ndertuan vetem kete vit mbi 7 konvikte te reja dhe 2 konvikte te rikonstruktuara per shkollat e mesme ne te gjithe vendin; u zhvilluan kurrikulat sipas standardeve europiane per arsimin profesional; u adoptua nje strukture fleksibel per kete sistem”, sqaroi zyrtarisht Ministria e Arsimit.
Sipas kesaj ministrie, gjate mandatit te dyte, drejtimet kryesore per realizimin e objektivave programore te qeverise do te jene thellimi i reformes kurrikulare, sigurimi i infrastruktures moderne, per te mundesuar lidhjen e mesimdhenies teorike me formimin praktik te nxenesve, shtrirjen e ketij sistemi ne te gjithe vendin, kualifikimi i mesuesve si dhe ofrimi i nje pakete nxitese, qe do te ndihmoje nxenesit per masivitetin ne kete sistem.
Top Channel
