Plot dhjete farmaci jane penalizuar brenda nje kohe te shkurter per mosrespektim te kushteve higjienike ne ruajtjen dhe tregtimin e barnave per konsumatoret.
Inspektoret e Qendres se Kontrollit te Barnave kane vendosur t’i heqin licencen tre farmacive, duke i mbyllur ato dhe te gjobisin 7 te tjera per mospermbushje te rregullave. Konkretisht, Qendra e Kontrollit te Barnave ka konstatuar se keto farmaci nuk i ruanin ilacet ne temperaturen e duhur, ne kushtet e nevojshme per te tregtuar me pas barna efikase dhe pa efekte negative te qytetaret.
Nisur nga kjo, por edhe nga kontrollet e kryera gjate viteve te fundit, sipas QKB-se lind nevoja per hartimin e nje projektvendimi per marrjen e masave. Konkretisht, Qendra e Kontrollit te Barnave kerkon qe ne bashkepunim me Ministrine e Shendetesise te hartoje nje projektvendim, ku te vendosen kriteret dhe mundesite per permiresimin e gjendjes se ruajtjes se barnave ne kushtet e duhura.
Ne kete projektvendim do te pershkruhet se cilat do te jene kriteret qe duhet te permbushin distributoret per ruajtjen e barnave qe nga momenti i hyrjes ne kufi deri ne castin e mberritjes ne farmaci, ku kryhet edhe tregtimi.
Pjese ne projektvendim do te kete edhe fleta sqaruese per te gjitha barnat, qe do te thote temperatura, kushtet, drita dhe te gjitha elementet e tjera qe sjellin edhe efektivitetin per te semuret.
Vendi ku ruhen, konservohen dhe tregtohen barnat duhet te jete i ndare, sipas llojeve te medikamenteve dhe temperatures qe kerkohet nga prodhuesi i farmaceutikes. I njejti problem per sa i takon ruajtjes se medikamenteve eshte ngritur pak kohe me pare edhe nga Urdhri i Farmacisteve.
Sipas tyre, jo vetem farmacite private, por edhe ato shteterore e madje edhe pavijonet e farmacive te spitaleve te medha nuk kane kushte per ruajtjen e medikamenteve. Sipas rregullave, nje farmaci duhet te kete ambient te bollshem, te paster, te fresket, te kete kushte per ruajtjen e medikamenteve ne formen e ampulave, te konservuara ne shishe.
Ndarja e ilaceve duhet te jete ne menyre te tille qe mos te kete derdhje, ekspozim te produkteve ne diell, perzierje me medikamente te tjera. Ndalohet rreptesisht perzierja e ilaceve humane me ato te kafsheve, si ne farmacite humane ashtu edhe ne sherbimet veterinare. Por, pavaresisht te “metave” apo problematikave, nga inspektimet e kryera ka rezultuar se nje pjese e mire e barnatoreve e kane respektuar distancen e vendosur nga ligji per vendndodhjen e farmacive.
Nje pjese e konsiderueshme farmacish jane te vendosura rreth e qark klinikave shendetesore te lagjeve, poliklinikave dhe spitaleve te medha.
Pak muaj me pare, kontrolle te tjera te farmacive jane kryer edhe nga autoriteti shendetesor rajonal. Sipas ketyre kontrolleve,
disa prej farmacive te kryeqytetit jane gjetur ne gabim.
Pergjate inspektimeve te specialisteve te ASHR-se, eshte marre konkluzioni se me shume se gjysma e farmacive te kontrolluara nuk e kane lejen higjieno-sanitare. Kjo do te thote se ruajtja e ilaceve, hapesira e ndarjes se barnave, sipas cilesise se veprimit dhe kritereve te percaktuara, nuk behet ne menyre te sakte ne pjesen dermuese. Miratimi i nje projektligji, sipas specialisteve, do te sillte permiresim te gjendjes.
Top Channel
