Te merkuren, me 7 tetor, Ravena dhe Lacio do te zhvillojne nje miqesore ne kujtim te Brian Filipit.
Pas idese se hedhur nga drejtori sportiv i bardhekalterve, Igli Tare, dhe trajneri Davide Balardini, klubet kane gjetur akordin dhe fiksuan daten e ndeshjes ne stadiumin “Beneli”.
Te gjitha perfitimet nga shitja e biletave do t’i kalojne familjes se sulmuesit te Kombetares Shpresa, i cili humbi tragjikisht jeten me 18 shtator, pas nje aksidenti. Tashme mbetet per t’u dhene vetem “drita jeshile” e Liges Pro, e cila duhet te shtyje ndeshjen e Kupes ndermjet Ravenes dhe Peruxhias, e parashikuar per t’u luajtur pikerisht gjate mesjaves se ardhshme.
Vendimi duket thjesht nje formalitet, edhe sepse drejtuesit e Peruxhias jane shprehur te gatshem qe ndeshja te luhet me 14 tetor. Ne mesditen e sotme, ne zyrat e klubit te Ravenes do te zhvillohet edhe nje konference per shtyp, ku do te prezantohen te gjitha detajet e ndeshjes se bamiresise.
Pas tragjedise ku futbollisti shqiptar humbi jeten, Ravena zbriti serish ne fushe, per sfiden e prapambetur me Foxhian. Skuadra nga krahina e Emilja-Romanjes i dha fund zise dyjavore per Filipin, duke fituar 2:1 ne transferte. Te gjithe futbollistet ia kane dedikuar fitoren sulmuesit 20-vjecar.
“Briani na udhehoqi drejt fitores dhe ky rezultat eshte i gjithi per te”, deklaroi Roseti, autori i golit te pare per Ravenen. I te njejtit mendim ishte edhe Toledo: “Zbritem ne fushe te vendosur per te marre tri piket dhe ia arritem qellimit. Kete fitore ia dedikojme shokut tone Brian Filipi, i cili do te jete perkrah nesh ne te gjitha ndeshjet”. Ne stadium nuk munguan banderolat nga tifozeria vendase, ne kujtim te ish-lojtarit te U-21 te Shqiperise. “Mirupafshim Brian” ishte parulla me te cilen mbeshtetesit e Foxhias kujtuan Filipin.
Per kete gjest te tyre, presidenti i Ravenes, Xhani Fabri, kerkoi te paraqitej me deshire ne konferencen per shtyp pas takimit. “Deshiroj te falenderoj tifozet e Foxhias per dedikimin ndaj Brianit. Ky ishte nje gjest i madh solidariteti ndaj ketij djaloshi, i cili u nda ne menyre te parakohshme nga jeta. E vleresuam faktin qe ata e kujtuan ish-lojtarin tone”.
Tashme kane filluar te publikohen edhe detajet e para te aksidentit qe i mori jeten Filipit. Hetimet e para te policise italiane kane nxjerre perfundimin se gruaja 52-vjecare qe drejtonte makinen, e cila perplasi per vdekje futbollistin shqiptar, nuk duhet te ishte ne timon. Kjo per faktin se patenta e saj kishte skaduar.
Shkaktarja e aksidentit rrezikon edhe te gjykohet per vrasje me dashje dhe mund t’i paguaje familjes Filipi nje demshperblim financiar, qe do te percaktohet nga gjykata. Nderkohe, motra e Brianit pretendon se nje deshmitar ne vendngjarje i ka bere te ditur se ne makine, ne momentin e ngjarjes, ndodhej edhe nje burre.
Filipi, i cili po shetiste ne rruget e Cervias se bashku me nje shok te skuadres, humbi jeten gjate transportit per ne spital, per shkak te perplasjes se forte dhe plageve te renda te shkaktuara.
Top Channel
