Ne Diten Nderkombetare te Moshes se Trete, Ministri i Punes dhe Shanseve te Barabarta, Spiro Ksera, u premton te moshuarve nje biblioteke.
Keshtu, ata do te kene mundesi te lexojne jo vetem shtypin e dites, por edhe botime artistike, shkencore, revista.
Kete premtim, ministri i Punes e beri gjate nje vizite qe zhvilloi dje ne Shtepine e te Moshuarve ne Tirane, me rastin e Dites Nderkombetare te Moshes se Trete.
Ministri Ksera vizitoi ambientet e qendres, si dhe u takua dhe bisedoi me te moshuarit rezidente ne kete qender publike, te moshuar te qendres ditore ne Kamze, si dhe te moshuar nga komuniteti, te cilet ishin mbledhur se bashku per te festuar ne kete dite.
Ministri u interesua per problemet qe i shqetesojne te moshuarit dhe kerkesat qe ata kane ne drejtim te pushtetit per te permiresuar me tej jeten e tyre.
Duke iu drejtuar te moshuarve, ministri i Punes tha se: “Jo rastesisht viziten time te pare si Minister e bej ne nje qender te moshuarish, por ishte kerkesa dhe deshira ime qe t’ju shpreh juve angazhimin personal per mbeshtetjen ne vazhdimesi ndaj kerkesave dhe nevojave tuaja. Mbeshtetja e te moshuarve ka qene nje nga prioritetet e Ministrise se Punes, per te cilen ajo ka punuar seriozisht”. Ministri i Shanseve te Barabarta ka sqaruar se tashme eshte perfunduar hartimi i nje dokumenti shume te rendesishem, Dokumentit Politik per Moshimin, i cili jo vetem ploteson angazhimet tona nderkombetare, por me ane te te cilit synohet zgjidhja e problematikes se te moshuarve.
Qendra Publike e te Moshuarve ne Tirane eshte rikonstruktuar dhe kompletuar me pajisje te reja nepermjet nje projekti te perbashket te Ministrise se Punes me Banken Boterore. Ne te aktualisht strehohen tridhjete te moshuar nga te cilat dhjete gra.
Top Channel
