Qeveria gjermane ofron ndihme edhe per pjesen e jugut, sa i takon forcimit te sektorit energjetik.
Pas marreveshjes per ndertimin e linjes 400 kv Shqiperi-Kosove, pala gjermane permes bankes KfW, firmosi dje marreveshjen me qeverine shqiptare, per projektin “Linja 110 kv, Shqiperia e Jugut”.
Firma e bashkepunimit u hodh nga kreu i OST-se, Ymer Balla, mbeshtetur nga ministri i Energjetikes, Dritan Prifti dhe shoqeria gjermane “Fischtner GMbH&Co”. Te pranishem ne ceremoni ishin edhe ambasadori gjerman e drejtuesit e larte te bankes KfW. Kontrata e konsulences bashkefinancohet nga Republika Federale e Gjermanise, nepermjet bankes KfW.
Pervec fondit grant per sherbimet e konsulences, qeveria gjermane eshte angazhuar ne 2008-en qe te mundesoje nje financim deri ne 49 milione euro nepermjet KfW, per projektin “Linja 110 kV, Shqiperia e Jugut”. Investimi pritet te permiresoje ndjeshem furnizimin me energji elektrike ne Shqiperi, ne vecanti pjesen e jugut.
Bashkepunimi gjermano-shqiptar filloi ne vitin 1988 dhe deri atehere, per vendin tone jane dhene 850 milione euro per projekte investimesh, kryesisht per sektorin energjetik.
Top Channel
