Sulltana Shkreli, 45 vjec, duket ne pamje te pare fare normale. Ajo ka nje shtepi, familjen e saj dhe si miliona shqiptare te tjere, mundohet te ece perpara ne jeten e veshtire te njeriut te thjeshte te fshatit.
Sot ajo ka ardhur te takoje ne fshatin Shtoj te Shkodres, nipin e saj 13 vjecar.
Askush nuk e di, por keta dy njerez jane lidhur me njeri-tjetrin nga nje histori e rralle sakrifice, dhimbjeje dhe dashurie.
Gjithcka nisi 13 vite me pare. Babai i 13 vjecarit Sadam Bekovi e mban mend mire.
“Kaloi nje temperature te larte mbi 40 grade qe kur ishte 8 muajsh. Kishte kaluar melingjit dhe i kishte kapur veshken”, thote babai i Sadamit.
Nje femije qe e kalon jeten ne pavionet spitalore, Sadam Bekovi ishte vazhdimisht ne fije te perit. I gjendur perballe nje drame te tejzgjatur familjare, fisi i Bekovit, vendosi te gjeje nje zgjidhje perfundimtare per femijen e vet. Nje transplant.
“Une e kisha shume te veshtire dhe megjithate mora iniciativen qe te jepja veshken, edhe pse nuk kombinoi”, u shpreh e ema.
Situata ishte dramatike. Nese dikush nuk dilte garant te dhuronte veshken e tij, femija rrezikonte te vdiste.
“Kam bere grupin e gjakut pa e ditur motra. Dhe vendosa qe te ma bejne transplantin vetem qe ai te shpetonte jeten”, shprehet teze Sulltana.
Te heqesh organin jetesor nga trupi nuk eshte nje vendim i lehte. Ky nuk eshte nje vendim qe i perket vetem personit qe e dhuron.
Teze Sulltana ndihet e lodhur, por e gezuar. Jeta e saj nuk eshte si me pare, por rendesi ka qe nipi i saj i vogel tashme ndihet mire me shendet.
“Nuk ndihem keq, por ndihem e lodhur kur punoj”, thote ajo. Djali i familjes Bekovi tani eshte nxenes ne shkollen e muzikes “Prenk Jakova”, ne qytetin e Shkodres. Endrra e tij me e madhe eshte qe te behet nje muzikant i famshem.
“Qe kur ishte i vogel shikonte televizorin dhe fillonte te kercente sipas muzikes”, shprehet e ema e tij.
I ndergjegjshem se jeta e tij eshte nje dhurate qe pakkush mund te ta beje, vete Sadam Bekovi thote se e ka kuptuar vleren e saj.
“Une ndihem shume mire pas transplantit me ndihmen e tezes dhe te Zotit te madh. Tezen do ta dua me shume se nenen time”, thote Sadami.
“Dua te behem pianist, kjo eshte deshira ime”, shton ai.
Top Channel
