Pas denoncimit nje dite me pare ne “Faktor Plus“ te nje rasti specifik te manipulimit te zgjedhjeve ne Qarkun e Shkodres, pala e demtuar, PDK qe ka kryer investigim personal permes nje grupi pune te ngritur ne ambjentet e selise se partise, permes kryetarit Nard Ndoka thote se manipulimet ne zgjedhjet e 28 qershorit i kane kushtuar PDK-se nje deputet ne Shkoder.
“Nga keto te dhena PD eshte manipulatore numer nje nepermjet komisionereve te vet. Ne cdo qender votimi i ka shtuar vetes se saj 30-70 vota sipas madhesise se qendrave te votimit, ku ne total, PD flitet qe ka vjedhur ndaj partive te tjera 9-11 mije vota, duke e deformuar totalisht rezultatin per Qarkun e Shkodres “, denoncon Ndoka.
Ne vijim ai shpjegon se grupi i punes ne seline e tij ka verifikuar permes pamjeve filmike te marra nga KQZ me veshtiresi, se proceverablet nuk perputhen me votat qe grupi i tij i punes po numeron permes filmimeve nje per nje ne cdo qender votimi. Disa prej rasteve Ndoka i ben te njohura per Top Channel.
“Nje pjese e atyre votave qe i jane hequr PDK-se, i kane kaluar PD-se. Por tek PD verrehet edhe nje fenomen tjeter me negativ, per faktin qe i ka shtuar vetes vota me procesverbale. Ne zonen e votimit 42 ne qendren 107, rezulton qe PDK ka 78 vota, ndersa ne kutite e votimit 138 vota. -60 vota i ka te hequra dhe i kane kaluar PD-se. Ne zonen e votimit 255, PD ka ne procesverbal 327 vota ne nje kohe qe ka 273 vota faktike, pra i ka ndryshuar vendet numrit 3 dhe 2, duke i shtuar vetes 54 vota “, shton Ndoka.
Kreu i PDK-se thote se per te gjitha shkeljet flagrante, bashke me dokumentacionin perkates do t’i drejtohet Prokurorise se Pergjithshme, me nje kerkese-padi, ndersa shton se do te mbeshtese cdo levizje te opozites qe kerkon hapjen e kutive.
Top Channel
