Erjon Bogdani e ka nisur ne menyren me te mire sezonin e ri. Tri gola radhazi me Kombetaren e kane shnderruar 32-vjeçarin ne nje element shume te rendesishem per skuadren e Josip Kuzhe.
Po kaq i madh eshte kontributi i sulmuesit edhe te Kievo ne Serine A, pavaresisht se ende nuk e ka gjetur rrugen e rrjetes. Me gjithe dyshimet e veres, “Er-Bomber” eshte titullar absolut dhe ka fituar besimin e trajnerit te veronezeve Di Karlo.
Erjon, si mund ta pershkruani paraqitjen e Kievos ne kete sezon te ri?
Gjate fundjaves qe kaloi fituam me merite ne fushen e Bolonjes. Gjithsesi, na mungojne ende disa pike ne klasifikim. Perballe Juventusit dhe Lacios u paraqitem mire, por nuk arritem te merrnim rezultat pozitiv.
Ne Bolonje, kur u zevendesuat gjate pjeses se dyte, dolet nga fusha duke tundur koken. Perse?
Sepse isha i lodhur per vdekje, nuk po arrija te qendroja me ne kembe. Ne mesjave kisha luajtur me Kombetaren kunder Danimarkes. Barazuam 1:1 fale golit tim dhe gjate mbremjes festuam. U ktheva shume i lodhur ne Verona dhe nuk mendoja se do te luaja, duke besuar se ndoshta trajneri do te me linte ne stol. Megjithate…
Megjithate luajtet, duke qene protagonist ne te dy golat e fitores se Kievos…
Ne perfaqesuese te gjithe luajne per mua. Kjo eshte arsyeja perse arrij te gjej me vazhdimesi rrugen e rrjetes. Te Kievo situata ndryshon: shpeshhere jam une ai qe luan per skuadren. Hap korridore, bej rolin e “pykes”, mbroj topin ne mesfushe, ne menyre qe skuadra te dale nga zona. Por, e rendesishme eshte te marrim rezultate te mira.
Si e parashikoni sfiden kunder Xhenoas?
Ata kane nje skuader shume te mire. Mendoj se do te jete nje ndeshje e bukur. I ftoj te gjithe tifozet qe te jene ne stadium, pasi spektakli eshte i garantuar.
A ju favorizon fakti qe kundershtaret luajten ne Europa League?
Ndeshjet e mesjaves jane gjithmone problematike per skuadrat. Shpresojme qe te jene disi te lodhur, gjithsesi ata jane nje ekip i forte.
Ne sulm preferoni te luani me Pelisier apo me Granoken?
Granoke luan njesoj si une, ndersa Pelisier eshte mjaft i zoti kur gjen pak hapesire: arrin te shkoje drejt zones kundershtare me nje shpejtesi te pabesueshme. Megjithate, une nuk kam ndonje preference te veçante.
Kur mendoni se do ta festoni golin e pare ne kampionat?
Shpresoj te shenoj qe prej sfides se radhes me Xhenoan. Zakonisht nuk e mbaj mendjen aty. Objektivi kryesor eshte qe se bashku me Kievon te mbijetojme serish ne Serine A. Ndihem shume mire fizikisht dhe kjo eshte nje pikenisje e mire. Jam i qete, pasi e kam te qarte qe goli nuk do te me mungoje.
Top Channel
