Te rinjte ne Qarkun e Durresit po i shmangen gjithnje e me shume sherbimit ushtarak.
Madje asnje prej te njoftuarve gjate fazes se porsa mbyllur te rekrutimit nuk eshte paraqitur per komisionin prane Qendres se Rekrutim Mobilizimit Durres. Nga 2500 flete-thirrje te shperndara neper shtepite e te rinjve ne moshe per rekrute ne rang qarku, asnje nuk eshte paraqitur per t’u mobilizuar nen arme dhe as per te shpjeguar arsyet e refuzimit.
Kjo i ka detyruar drejtuesit e Qendres se Mobilizimit ne Durres te urdheroje rekrutimin me force te te rinjve gjate diteve te fundit. Vetem diten e diel jane ndaluar forcerisht 10 te rinj, por jane derguar ne repart vetem 2 prej tyre, pasi te tjeret perjashtoheshin nga rekrutimi. Ne teresi, per Durresin kjo ka qene nje faze e deshtuar.
Edhe pse jane marre me force, pas verifikimeve vetem pak prej tyre jane derguar ne qendren stervitore te Tiranes, apo asaj te Vlores. Plani eshte realizuar ne masen 20 per qind per kete faze dhe te gjithe te rinjte qe jane derguar nen arme jane rekrutuar me force.
Ndryshe nga pretendimet e shume familjareve per shkelje te te drejtave dhe marrjen e studenteve qe perjashtohen nga sherbimi ushtarak, ne Qendren e Mobilizimit thuhet se rekrutimi me force mbeshtetet ne ligj per aq kohe sa sherbimi ushtarak eshte i detyruar dhe asnje nga te rinjte nuk i pergjigjet thirrjes se bere paraprakisht.
Ne te gjitha rastet, punonjesit e deges kane marre firmen nga familjaret per flete-thirrjen e shperndare neper shtepi. Te rinjte i shmangen detyrimit me indiferentizem, por edhe permes paraqitjes se dokumenteve qe vertetojne se jane studente, ose se kane familjare te paafte ne ngarkim.
Kjo e ka detyruar qendren qe te bashkepunoje me universitetet dhe te marre listat e studenteve, ndersa per ata qe kane aplikuar kete vit dhe presin te regjistrohen, duhet qe te paraqesin dokumentin pas regjistrimit. Ne shume raste vertetimet nga fakultetet kane qene false. Nderkohe, njesite e pushtetit vendor qe duhet te beje njoftimet, shpesh behet pale, duke deklaruar se emrat e thirrur nen arme nuk gjenden ne adresen e dhene, apo jane larguar jashte vendit.
Ky bashkepunim “i prishur” ka bere qe punonjesit e Qendres se Rekrutim Mobilizimit te angazhohen vete per te bere shperndarjen e flete-thirrjeve dhe per te marre firmat per njoftimet.
Top Channel
