US Open, largohen tre pretendente

Amerikani Roddick, fituesi i ketij turneu ne vitin 2003 eshte mundur nga bashkekombasi i tij John Isner, i 55-ti ne renditjen boterore. Ndeshja qe zgjati rreth 4 ore, perfundoi 3-2 me sete per Isner i cili ne raundin e katert do te perballet me spanjollin Fernando Verdasco qe mposhti 3-2 me sete gjermanin Tommy Haas.

Turneu amerikan ka humbur gjithashtu edhe dy tenistet ruse, numrin 1 te botes Dinara Safina dhe siberianen Maria Sharapova. Safina eshte mposhtur nga Petra Kvitova, e 72-ta ne renditjen boterore. Tenistja ceke e ka fituar setin e pare me rezultatin 6-4, nderkohe qe ne te dytin eshte thyer nga Safina. Ne te dyten rusja arriti te shfrytezoje mjaft mire gabimet e kundershtares duke e cuar ndeshjen ne set final. Por cekja Kvitova suprizoi te gjithe duke mundur numrin 1 te botes e duke u kualifikuar per ne raundin tjeter.

Ka perfunduar ketu edhe aventura e Sharapoves, kampionia e ketij turneu ne 2006. Siberiania eshte mundur nga 17 vjecarja amerikane Melanie Oudin qe fitoi 2-1 me sete. Vendimtar ne kete fitore te talentes amerikane ishin dhe 21 faullet e Sharapoves rekord negativ ky i ketij turneu. Ka kaluar ne raundin tjeter zvicerani Roger Federer i cili ka humbur setin e pare por ka mposhtur ne tre te tjeret Leyton Hewitt, duke mbyllur te gjithe ndeshjen 3-1 ne favor te tij.

Top Channel