Kuzhe i pakenaqur nga skuadra
03/09/2009 23:00
Skuka hero, Partizani merr një barazim të çmuar në ndeshjen e parë të Conference League 10/07 21:04
Pasditen e se enjtes perfaqesuesja kuqezi zhvilloi nje ndeshje stervitore me perfaqesuesen U19, ne stadiumin e Teutes Niko Dovana. Trajneri Kuzhe provoi ne pjesen e pare te ndeshje formacionin qe duket se do te jete baza per ndeshjen me Danimarken, nje i ngjashem me ate qe luajti ndaj Qipros.
Dyshja sulmuese Salihi-Bogdani, do te mbeshtetet nga pas me Skelen, Duron, Bulkun dhe Agollin, nderkohe ne repartin e mbrojtjes u testuan Cana dhe Curri ne qender, ndersa ne krah Lila dhe Dallku.
Per dy ndeshjet e rradhes trajneri kroat nuk do te kete ne dispozicion Kristi Vangjelin i cili eshte demtuar rende ne gju gjate nje seance stervitore.
Pas perfundimit te kesaj ndeshjeje, e cila u fitua me rezultatin 4-0 nga perfaqesuesja A, trajneri Josip Kuzhe, ne nje interviste per Top-Channel ai nuk eshte shprehur shume optimist nga loja e skuadres se tij.
“Sigurisht ne kete ndeshje une kerkova te shihja dicka dhe te beja disa eksperimente, te testoja disa gjera pasi me duhej ta perdorja kete ndeshje qe te permiresoheshim. Nuk jam i kenaqur se nuk luajtem mire, nuk luajtem mire individualisht por dicka me mire si skuader. Une e kuptoj qe lojtaret jane disi te lodhur dhe ne ndeshje te tilla stervitore nuk jane shume te perqendruar, por une mund te te them se duhet te jemi 100% te fokusuar ne stervitje ashtu si edhe ne ndeshje te tilla miqesore, pasi keshtu mund te pergatitemi mire per ndeshjen qe kemi”, tha trajneri kroat i kombetares shqiptare.
I pyetur nese ka ndonje repart te vecant apo ndonje lojtar i cili nuk i ka permbushur keshillat qe ai kishte dhene, trajneri kroat nuk i shton dozat e kritikave.
“Me duhet ta analizoj me mire kete ndeshje, ndoshta nje dite me pas me duhet ta diskutoj kete loje dhe ato cfare vura re me lojtaret pasi duhet t’i marrim gjerat me me shume seriozitet ne keto seanca stervitore. Nuk kam pare ndonje sinjal pozitiv sidomos ne kete ndeshje qe zhvilluam, por e perseris se keto ndeshje jane te mira per mua per t’i analizuar bashke me skuadren. Ndoshta pasi t’i analizojme mund t’i marrim gjerat me seriozisht dhe mund te permiresohemi ne lojen tone”, shtoi me tej kroati.
Do te kete dhe rreth 4-5 dite deri ne ndeshjen e 9 shtatorit me Danimarken ku trajneri Kuzhe edhe pse e ka theksuar disa here se do ta kemi te veshtire te fitojme, shpreson te pakten ne nje loje te mire te skuadres sone perfaqesuese, por deri atehere ndoshta do te jene sheshuar dhe keto pakenaqesi apo do te jene rikuperuar problemet aktuale qe sheh Josip Kuzhe, ose sic thote ai vete skuadra do t’i ket marre gjerat me seriozisht.
Top Channel
