
Nje shtepi eshte djegur teresisht dje ne mbremje ne lagjen “Palorto” ne Gjirokaster.
Ndertesa ka rrezikuar perhapjen e flakeve edhe ne shtepite e tjera prane si dhe ato muzeale, por nderhyrja e zjarrefikesve ka bere qe flaket te mos perhapen. Zjarri eshte shfaqur rreth ores 23 mbremjen e djeshme kur edhe eshte njoftuar salla operative e policise ne Gjirokaster.
Per shkak te stuhise se forte, dje ne mbremje ne ndertese eshte shkaktuar nje zjarr i provokuar nga nje defekt elektrik. Zjarri eshte shfaqur ne lagjen “Palorto” ne banesen e shtetasit Ylli Abazi, i cili nuk jetonte me aty por qendronte ne nje azil dhe banesa ishte pothuajse e braktisur. Ne vendngjarje mberriten tre automjete zjarrfikse ku me gjithe nderhyrjen e menjehershme, banesa u shkrumbua plotesisht, pasi shtepia ishte shume e vjeter dhe me konstrukt druri nga ana ballore ku ka nisur edhe zjarri.
Nderhyrja e zjarrfikesve beri te mundur izolimin e flakeve duke shpetuar banesen ngjitur me te, por dhe banesat perreth. Flaket jane shuar plotesisht vetem ne oren 3 te mengjesit te sotem.
Top Channel