Konsumatoret e energjise elektrike do te kene se shpejti nje model te ri kontrate me furnizuesin me energji OSSH (Operatori i Sistemit te Shperndarjes).
Modeli i ri i kontrates synon rregullimin e marredhenieve dhe njohjen e pergjegjesive mes furnizuesit dhe konsumatoreve. “Behet fjale edhe per detyrimet e pales furnizuese sikurse dhe per detyrimet e pales qe furnizohet me energji elektrike, ne menyre qe te rriten keto detyrime nga ana e furnizuesit ne shume aspekte.
Per shembull mund te themi se nuk do te kete nderprerje te energjise elektrike. Parashikohet te kete zhdemtim ne rast te efekteve negative mbi konsumatorin” eshte shprehur pak kohe me pare, kryetari i Entit Rregullator te Energjise Elektrike, Bujar Nepravishta.
Respektimi i kontrates mes konsumatorit dhe OSSH ka qene disa here objekt debati ne vitet e fundit. Edhe pse ne kontrate thuhet se abonenti duhet te paguaje energjine elektrike te faturuar, ne menyre qe te kete furnizim pa nderprerje, ky rregull eshte thyer ne shume raste. Aktualisht OSSH ka rreth 1 milion abonente, familjare dhe biznese.
Tani se shpejti, ERE do te nise diskutimet e gjata per vendosjen e tarifave te reja te energjise elektrike, te cilat do te aplikohen ne fillim te vitit 2010.
Top Channel
