Kandidati per postin e kryetarit te PS, Arben Malaj ka paraqitur platformen e tij ne kongresin e jashtezakonshem te partise se majte qe po zhvillohet ne keto momente.
“Paraqes vizionin per modelin e ri te PS, per ta shnderruar ne forcen qe te marre pushtetin. Te krijojme nje shprese te re qe presin shqiptaret”, ka deklaruar Malaj.
Ai ka theksuar se shqiptaret kane nevoje per nje ekzekutiv qe mireqeveris dhe jo per nje qeveri qe komandohet nga interesa klanore.
“Bindja ime e patundur eshte se shqiptaret nuk meritojne te qeverisen me nga Berisha, por nga nje qeveri qe mireqeveris. Kete lloj qeverisjeje duhet ta ofrojne socialistet. Ne duam nje qeveri te pergjegjshme dhe jo te mashtrimeve, nje qeveri qe orientohet sipas interesave te qytetareve dhe jo te nje familjeje qe ka kapur shtetin tone”, eshte shprehur Malaj.
Pervec se ka premtuar reformimin e PS duke analizuar gabimet e se shkuares, Malaj ka theksuar se kjo parti nuk duhet te qeveriset vetem nga nje lider absolut.
“PS-se nuk i nevojitet nje lider me pushtet absolut. Te preferuarit individuale nuk mund te bejne karriere te pershpejtuar ne kurriz te socialisteve te tjere qe kane dhene nje kontribut te pamohueshem”, ka shtuar Malaj.
Ai ka premtuar se nese vjen ne pushtet, PS do te sjelle nje qeverisje me te mire, do te permiresoje situaten ekonomike ne vend dhe do te rrise rendin dhe sigurine.
Top Channel
