Deputeti i PS, Pandeli Majko ka deklaruar se Partia Socialiste po i shqyrton te gjitha shkaqet per humbjen ne zgjedhjet e 28 qershorit.
Ne nje prononcim per Top Channel, Majko ka theksuar se kongresi po i shikon me vemendje si problemet e jashtme, ashtu edhe ato te brendshme.
“Edi Rama eshte nje kryetar me pese yje dhe zgjedhjet u humben vetem per shkak te Berishes. Nuk eshte kjo menyra se si po zhvillohet kongresi. Ne po shqyrtojme mundesine qe humbja te kete ardhur nga dicka e jashtme, por edhe nga probleme te brendshme”, ka pohuar Majko.
Sipas tij, tani PS duhet ta shqyrtoje me vemendje situaten ne te cilen ndodhet dhe e ardhmja e saj nuk varet vetem nga ndryshimi i kryetarit Rama.
“Mendoj se do te isha i pasinqerte po te thosha se gjithe kjo histori do te varej nga ndryshimi i Edi Rames. Mendoj se duke e pare vetem keshtu do te ishim ne nje situate te veshtire. Ne nuk i shikojme te gjitha historite ne nje krah dhe besoj se ne kete menyre duhet pare. Mendoj se duhen ndryshuar shume me teper sesa menyrat e te vepruari te nje kryetari”, ka nenvizuar Majko.
Me tej, deputeti socialist ka pranuar se PS ka bere gabime gjate fushates se saj elektorale.
“Ne u morrem me shume me ate qe donim te ndalonim se sa me ate qe donim te ofronim. Ne duhet te ishim me te qarte”, ka shtuar Majko.
Top Channel
